ىستامبۇل ورتالىعىنداعى «ۆودافون ارەنا» ستاديونىنا جاقىن ماڭدا كەمىندە ءبىر جويقىن جارىلىس بولدى دەپ حابارلايدى www.nur.kz.
سالدارىنان 29 ادام قازا تاپقان. جاراقات العاندار سانى ازىرگە 166 ادام. مۇنى ەلدىڭ ىشكى ىستەر ءمينيسترى سۋلەيمان سويلۋ دا راستاپ وتىر. ونىڭ ايتۋىنشا، قازا تاپقانداردىڭ 27ء-سى پوليسيا قىزمەتكەرلەرى.
الەۋمەتتىك جەلىلەردە وقيعا ورنىندا اتىس بولعانى دا جازىلىپ جاتىر. جارىلىس تۇركيا چەمپيوناتىنىڭ 14-تۋرى اياسىنداعى «بەشيكتاش» پەن «بۋراسپور» فۋتبول كلۋبتارى اراسىندا وتكەن كەزدەسۋدەن سوڭ بولعان.
تۇركيانىڭ كولىك ءمينيسترى مۇنى تەراكت دەپ اتادى.
پىكىر قالدىرۋ