ءانشى ءوزىنىڭ ءۇشىنشى رەت  تۇرمىس قۇرعاندىعى جايلى «ايتا بەرسىن» باعدارلاماسىنا بەرگەن سۇحباتىندا ايتقان بولاتىن دەپ حابارلايدى stan.kz

اقبوتا كەرىمبەكوۆا 40 جاسقا تولىپ، توي جاسادى. بالا كۇنىنەن تۋعان كۇنىن اتاپ وتكەندى جاقسى كورەتىن ءانشى دوس-جاراندارى مەن تۋعان-تۋىستارىنىڭ باسىن قوستى. ءوز سوزىندە ءانشى تويدا سۇيىكتىسىنىڭ دە جۇرگەنىن ايتىپ قالدى. الايدا ءانشى ءوزى تاڭداعان ەر ازاماتىن سول كۇيى جاريالامادى.

“باقىتتى بولۋعا ەشقاشان كەش ەمەس”، – دەدى ءانشىنىڭ ءوزى.

ال اقبوتانىڭ اناسى ءبيبىاجار ماحانبەتوۆا قىزىنىڭ ءۇشىنشى رەت تۇرمىس قۇرۋىنا قارسى ەمەس ەكەنىن جەتكىزدى.

“ءوزىم ونەر ادامى بولعان سوڭ اقبوتانى 100 پايىزعا تۇسىنەمىن. ويتكەنى ءومىر دەگەن ءبىر-اق رەت بەرىلەدى. تاعدىر ءارتۇرلى بولادى. ونىڭ بارىنە كونۋ كەرەك. ونىڭ بارىنە شۇكىرشىلىكپەن قاراۋ كەرەك. اللاعا شۇكىر، جالعىز قىز بولىپ ءوستى، ەركەلەپ ءوستى. ءاربىر اتا-انا بالاسىنىڭ جەتىستىككە جەتكەنىن قالايدى. شۇكىر دەيمىن، ءتاۋبا دەيمىن. جالعىز قىز بولىپ ەرەكەلەپ، باسقا جولعا ءتۇسىپ كەتسە، نە ىستەر ەدىم؟ ءۇش بالاسىن تاپتى، كۇيەۋلەرىنە دە ادال بولدى. انا رەتىندە قىزىما راحمەت ايتامىن. مەنەن ەشتەڭە جاسىرمايدى، ويتكەنى قۇربىسى مەنمىن.

“بۇعان دەيىنگى ازاماتتار ساعان ىلەسە المادى. سەن ءوز بيىگىڭدە قال. حالىقتىڭ، ونەر ادامىسىڭ. حالقىڭ امان بولسىن. حالىق امان بولسا، سەن ءارقاشان جارقىرايسىڭ. ودان پروبلەما جاساما”، – دەپ ايتىپ وتىرامىن”، – دەيدى ول.

ايتا كەتەيىك، ەكى نەكەسى ءساتسىز اياقتالعان سوڭ اقبوتا كەرىمبەكوۆا بۇعان دەيىن دە ءۇشىنشى رەت كۇيەۋگە شىعۋعا تالپىنىس جاساعان. الايدا ءانشىنىڭ بۇل ويى ءساتسىز اياقتالعان بولاتىن.