نيگەريانىڭ سولتۇستىك-شىعىسىنداعى بورنو شتاتىندا ورنالاسقان مايدۋگۋري قالاسىنداعى بازاردا 7-8 جاستاعى ەكى قىز بالا جارىلعىش زاتتارى بار بەلدىكتى ىسكە قوستى دەپ حابارلايدى inform.kz

سالدارىنان ءبىر ادام قازا تاۋىپ، 8 ادام جاراقات الدى.

ەكى جارىلىس اراعا بىرنەشە مينۋت سالىپ جاسالدى. بۇل ۋاقىتتا بازارعا كەلۋشىلەر سانى وتە كوپ بولعان. ەكى قىز دا جارىلىس كەزىندە مەرت بولدى. جەرگىلىكتى حالىق جاساعىنىڭ وكىلى ابدۋلكاريم جابو جۋرناليستەرگە قىزدار بازارعا كەلگەننەن كەيىن، دەرەۋ ونىڭ ورتاسىنا قاراي بەت العانىن ءمالىم ەتتى. «مەن ولاردىڭ بىرىمەن باستاپقىدا حاۋسادا، كەيىن اعىلشىن تىلىندە سويلەسۋگە تالپىندىم، ءبىراق ول ءتىل قاتپادى»، - دەدى جابو. كەيىن ول قىزداردىڭ ءبىرى ساۋدا قاتارلارىنا جاقىنداپ، جارىلعىش زاتتى ىسكە قوسقانىن كورگەن.

جارىلىس ءۇشىن جاۋاپكەرشىلىكتى ازىرگە ەشكىم ءوز موينىنا العان جوق. نيگەريالىق «بوكو حارام» توبى بۇعان دەيىن دە بالالاردى جانكەشتى رەتىندە پايدالانعانى ءمالىم. سوڭعى ايلاردا نيگەريالىق جاساق سودىرلاردى ءبىرشاما ىعىستىردى، دەگەنمەن «بوكو حارام» ءالى كۇندە دەيىن جارىلىستار ۇيىمداستىرىپ تۇرادى.