اندرەي مانچۋك ۋكراينالىق حالىق بىرلەستىگىنىڭ قۇجاتتارىن اۋدارۋ كەزىندە قازاق ەلى جايلى سۇراقتاردى كوزى شالعاندىعى جايلى novorosinform.org سايتىندا جاريالانعان بولاتىن. ماقالانىڭ قازاقشا نۇسقاسىن قامشى پورتالى وقىرمان نازارىنا ۇسىنادى.
وسى ۋاقىتقا دەيىن بۇل جايىندا ەشبىر جەردە ايتىلماعان بولاتىن.
«كوتەرىلىستىڭ باستاپقى كەزەڭىندە ەتنوگرافيالىق جەرلەردى قايتارىپ العاننان كەيىن ءبىز ۆولگا وزەنىنىڭ جانىنا توقتاۋىمىز كەرەك، سونان سوڭ اسكەر كۇشىن موگيليەۆ جانىنا تاستاپ، ءبىزدىڭ ەلىمىزدەگى جەرگىلىكتى بودان حالىقتارعا كومەك كورسەتۋ ءۇشىن جانە ماسكەۋلىك يندۋستريالدى ورتالىقتارعا قوقان-لوققى جاساۋ ءۇشىن سوعىستى قازاقستانعا الىپ كەلۋىمىز كەرەك.
الايدا قازاقستاندى قۇدايعا سەنىپ تاپسىرىپ كەتە المايمىز، ءبىزدىڭ بوستاندىق الۋىمىز ول ەلمەن تىعىز بايلانىستى. سول سەبەپتى ءبىزدىڭ دەرجاۆانىڭ سولتۇستىك شەگى التاي مەن تيان-شان تاۋلارىنا قاراي بەتتەۋى ءتيىس».
كولودزينسكيي قازاقتاردى مەملەكەت باسقارا المايتىن حالىق دەپ ساناعان: «قازاقتاردا مەملەكەتتى قۇرىپ، ونى باسقارا الاتىن ادام جوق. ەگەر ول جەرگە ءبىز ورنىقپاساق، ماسكەۋ كەلىپ جايعاسادى. ال، قازاقتاردىڭ جەرى وتە كەڭ ءارى باي. سول سەبەپتى دە قازاقستان ۋكراينانىڭ قاراماعىنداعى ەل بولۋى كەرەك».
ءبىراز جىل بۇرىن ۋكراينا قۇرىلىمدىق دەرجاۆاسىنىڭ كارتاسىن جاريالاعاندا ولار شەكاراسىنا قازاقستاندى دا قوسىپ بەلگىلەگەنىن كورگەن بولاتىنبىز.
اۋدارعان: نازەركە لابيحان
