«پۋست گوۆوريات» توك-شوۋىنا قوناق رەتىندە شاقىرىلعان رەسەيدىڭ اتاقتى تەلەجۇرگىزۋشى سەرگەي بەلوگولوۆسيەۆ رەسەي مەديسيناسى تۋرالى ايتا وتىرىپ كوپ نارسەنىڭ باسىن اشتى.
«اۋرۋ بالالارىمىزدى قىتايعا بارىپ ەمدەيمىز. نەگە؟ قىتايدا ەرەكشە ءبىر نارسە بار دەپ ويلايسىز با؟ جوق. وزىمىزدە دە ەمدەۋگە بولاتىن ەدى. ءبىراق نيەت جوق، قۇلىق جوق. رەسەيدە ءبىر جىل بويى كينو تۇسىرمەي، فۋتبوليستەرگە ميلليونداپ اقشا تولەمەي، ەشقانداي قۇرىلىس نىسانىن سالماي، قىسقاسى، ءبارىن-بارىن توقتاتىپ تاستاۋ قاجەت. بارلىق اقشانى، بارلىق ەنەرگيانى ناۋقاس بالالارعا جۇمساۋىمىز كەرەك. «ۇلى رەسەي ەلى» دەپ جۇرەك تۇسىمىزعا قولىمىزدى قويىپ، ءانۇران شىرقاعاننان نە پايدا؟ ورىس بولعانىما ۇيالامىن! ماعان «ورىستىڭ جانى» تۋرالى اڭگىمەنى دە ايتپاي-اق قويىڭىزدار! ورىستىڭ جانى بۇرىن سايراپ تۇرعان شىعار، ءقازىر ورىستىڭ جانى قۇر بوس كەۋدە! رەسەي ەلى بۇكىل پلانەتانىڭ ماسقاراسى. وتىرىك جاعىمپازدانۋدىڭ، وتىرىك كولگىرسۋدىڭ، تىراشتانۋدىڭ تۇك قاجەتى جوق. ءبىز كومەككە مۇقتاج بۇلدىرشىندەرىن ەمدەي الماي جۇرگەن بيشارامىز. امەريكا بولسا، شىنىمەن دە ۇلى ەل. ارباعا تاڭىلعان ادامعا قاراپ امەريكاندىقتىڭ كۇلگەن رياسىز كۇلكىسىندە ەشقانداي مۇسىركەۋ، ەشقانداي وتىرىك بايقامايسىز. سەبەبى ول جاقتا مۇگەدەك ادام و باستا قوعامنىڭ اينىماس بولشەگى. ونىڭ جاعدايى جاسالعان، تۇرمىسى رەتتەلگەن، ول ءوز قۇقىعىن بىلەدى. رەسەيدە ارباداعى جارىمجان ادامعا قاراپ نەسىنە قۋاناسىڭ؟»
