داريعا نازاربايەۆانىڭ جارى راحات الييەۆ قازاقستانداعى قۇزىرەتى مىقتى ءارى ميلليونەر ادامداردىڭ ءبىرى بولا تۇرا،  اۆستريالىق  اباقتىدا قازا بولعان. قازىرگى تاڭدا ونىڭ ولىمىنە قاتىستى شىندىق جاريا بولدى: الييەۆكە قاستاندىق جاسالعان.

نەمىستىڭ مەدەكسپەرتى برەند بريكمان "2015 جىلى ۆەنا تۇرمەسىنەن ءولى تابىلعان ەلباسىمىزدىڭ كۇيەۋ بالاسى، ميلليونەر راحات الييەۆكە زورلىق كورسەتىلىپ، ونى قاساقانا ولتىرگەن" دەگەن تۇجىرىم جاسادى.  بۇل جايىندا نەمىستىڭ باسپا ءسوز قىزمەتتەرىنىڭ ءبىرى -  Die Zeit گازەتىندە جاريالانعان.

بريكمان بۇل تۇجىرىمدى الييەۆتىڭ ادۆوكاتىنىڭ نۇسقاۋىمەن جاساعان، وسى ۋاقىتقا دەيىن اۆستريادا قوعامنىڭ تالقىسىنا تۇسكەن الييەۆ ىسىندەگى  بۇل تۇجىرىم – حالىق كۇتپەگەن جاڭالىق بولدى. ەكسپەرتتىڭ ايتۋىنشا، الييەۆتىڭ اۋىز-مۇرنىن تۇمشالاپ، كەۋدەسىنەن باسىپ، تۇنشىقتىرىپ ولتىرگەن جانە دە قىلمىسكەردىڭ جالعىز بولماۋى دا ابدەن مۇمكىن.

اۆتسريا ەلشىسى ءارى ارنايى قىزمەت باسشىسى – راحات الييەۆتىڭ ءمايىتىن 2015 جىلدىڭ اقپان ايىندا تۇرمەدەگى باقىلاۋشى  مەن مەدبيكە اسۋلى تۇرعان كۇيىندە تاۋىپ العان. 2015 جىلدىڭ اياعىنا قاراي اۆستريا ەلىنىڭ پروكۋراتۋراسى ونىڭ قانىنىڭ قۇرامىنان بەلگىسىز ءبىر زاتتاردىڭ تابىلعاندىعىن مالىمدەگەن بولاتىن. ەكسپەرتيزالىق قورىتىندى جۇرگىزگەندەردىڭ ەكەۋى ونى وزىنە قول جۇمسادى دەپ توپشىلاعان.

بىرنەشە جىلدار بويى راحات الييەۆ داريعا نازاربايەۆانىڭ جارى، نازاربايەۆتىڭ قاراماعىنداعى ادام بولدى. ول – پارلامەنت سەناتىنىڭ دەپۋتاتى قىزمەتىن اتقارعان. 2001 جىلى الييەۆ ديپلوماتيالىق كەلىسىم جاساۋ ءۇشىن ءبىر ىسكە جۇمسالادى، كەيىننەن 2007 جىلى اجىراسىپ، الييەۆتىڭ ۇستىنەن ءىس قوزعالادى. ونى «نۇربانك» كوممەرسيالىق بانكىنىڭ ەكستوراعاسىن ۇرلاپ كەتتى دەپ ايىپتادى.

الييەۆتكە ەلدە توڭكەرىس جاساۋ ماقساتىندا تەرروريستىك توپپەن بىرىكتى دەپ ايىپ تاعىپ، ونى 20 جىل باس بوستاندىعىنان ايىرۋ جايلى سوت ۇكىمى شىعارىلعان بولاتىن. نازاربايەۆ ونى قازاقستانعا قايتارىپ العىسى كەلگەندە، اۆستريانىڭ بيلىگى الييەۆتى قازاقستانعا قايتارۋدان باس تارتىپ، ەلىمىزدە ول جەڭىل جازامەن قۇتىلىپ كەتۋى مۇمكىن دەپ كۇمانداندى.

الييەۆ وزىنە تاعىلعان ايىپتى مويىنداعان جوق. اۆستريالىق Profil جۇرنالىنا بەرگەن سۇحباتىندا الييەۆ وزىنە نە سەبەپتى تەرروريستىك توپتىڭ باسشىسى دەپ ايىپتالىپ، ۇستىنەن ءىس قوزعالعاندىعى جايلى مالىمدەگەن بولاتىن.

«مەنىڭ ەڭ باستى قاتەلىگىم – ءوزىمدى قازاقستاننىڭ پرەزيدەنتتىك تاعىنا ۇسىنىپ، نازاربايەۆتىڭ پىكىرىمەن كەلىسپەي، باسقاشا سويلەگەنىم جانە دە رەفورماعا ارالاسقاندىعىم»، - دەپ ايتقان ەدى. سونىمەن قاتار: «نازاربايەۆتىڭ ماعان شۇيلىگۋى - ەلىمىزدەگى بارلىق ءىرى كاسىپكەرلەرگە جاساعان ەسكەرتۋى بولاتىن، سوندىقتان دا نازاربايەۆقا قارسى شىقپاڭدار، ولاي ىستەگەن كۇنى قولدارىڭداعى بارلارىڭنان ايىرىلاسىڭدار»، - دەپ مالىمدەدى.

الييەۆتىڭ ايتۋىنشا، نازاربايەۆ ونىمەن تىلدەسكەن كەزدە  تەك ءوزىنىڭ عانا تاقتا ءومىر بويى وتىراتىنىن اشىق جەتكىزگەن ەكەن: «باق-تى، بالكىم، ءىرى كاسىپكەرلەر باقىلايتىن شىعار، الايدا، بۇل – مەنىڭ ەلىم. قازاقستاندا بارلىعى دا مەنىڭ ايتقانىمدى ىستەيدى، تەك سەن عانا ماعان باعىنبادىڭ»، - دەپ ءوزىنىڭ ويىن ايتقان ەكەن ەلباسىمىز.

ەلباسىمىزعا قارسى شىققان ادامنىڭ كورەر كۇنى وسى ما؟ ەندەشە، شىندىق قايسى جانە كىنالى كىم؟

قامشىگەر: نازەركە لابيحان