وڭتۇستىك قازاقستان وبلىسىندا ءبىر تۇرعىن ءۇش ءنولى مەن ءۇش "و" ارىپتەرى بار Infiniti كولىگىن ۆيدەوعا ءتۇسىرىپ العان. روليك اۆتورىنىڭ ايتۋىنشا، بۇل ماشينا شىمكەنتتە ءجۇر ەكەن.

Tengrinews.kz رەداكسياسىنا ەرەكشە ءنومىرلى اۆتوكولىك تۇسىرىلگەن ۆيدەو جولدانىپتى. تىلشىلەر وسى وقيعانىڭ ءمان-جايىن انىقتاۋ ءۇشىن ق ر ءىىم اكىمشىلىك پوليسيا كوميتەتىندەگىلەرگە حابارلاسقان. كوميتەت وكىلدەرى بۇل ءنومىردىڭ تىركەلمەگەنىن ايتتى. ولاردىڭ ايتۋىنشا، ۆيدەوداعى كولىكتىڭ ءنومىرى جالعان نەمەسە قولدان جاسالعان بولۋى مۇمكىن. ۆيدەو اۆتورى بۇل وقيعانىڭ شىمكەنتتە بولعانىن ايتىپ وتكەندىكتەن، وڭتۇستىك قازاقستان وبلىسىندا جەدەل ىزدەستىرۋ شارالارىن جۇرگىزۋگە جانە ول كولىكتىڭ يەسىن ۇستاپ، اكىمشىلىك جاۋاپكەرشىلىككە تارتۋعا نۇسقاۋ بەرىلدى. ىزدەستىرۋ شارالارى بارلىق جەردە جۇرگىزىلەدى - باعىتتامالار دا بارلىق وڭىرلىك بولىمشەگە تاراتىلاتىن بولادى. ءبىراق حاتتاما قىلمىس جاسالعان جەردە تولتىرىلادى"، - دەدى كوميتەتتىڭ رەسمي وكىلى يرينا لۋكيانينا.

ايتا كەتەيىك، قىلمىستىڭ بۇل ءتۇرى ءۇشىن ق ر اكىمشىلىك قۇقىق بۇزۋشىلىق تۋرالى كودەكسىنىڭ 590-بابىنىڭ 4-بولىگىنە سايكەس ("كولiك قۇرالدارىن پايدالانۋ قاعيدالارىن بۇزۋ") اكىمشىلىك جاۋاپكەرشىلىككە تارتۋ قاراستىرىلعان. مۇنداي ەرەجەبۇزۋشىلىق جاساعان ادام 20 ايلىق ەسەپتىك كورسەتكىش كولەمىندە ايىپپۇل تولەپ نەمەسە ءبىر جىلعا دەيىن كولىك جۇرگىزۋ قۇقىعىنان ايىرىلۋى مۇمكىن.