ءبىر جەتى بۇرىن قوستانايدا ەكى كوشەنىڭ اتى وزگەرتىلگەنى جايلى قامشى پورتالى جاريالاعان بولاتىنبىز. الايدا، ول ماسەلەگە قاتىستى داۋ-داماي ءالى كۇنگە دەيىن تولاستار ەمەس.

زۇلقارناي الدامجار اتىنداعى قوستاناي سوسيالدى-تەحنيۋالىق ۋنيۆەرسيتەتىنىڭ باسشىسى بيبىگۇل الدامجار بۇل ىسكە قاتىستى ءوزىنىڭ نارازىلىعىن ءبىلدىردى. ول كىسى 6 جەلتوقسان كۇنى قوستانايداعى گەرسەن مەن تاران كوشەلەرىنىڭ اتىن وزگەرتۋگە قاتىستى قوعامدىق جينالىسقا قاتىسقاندىعى جايلى 365info.kz سايتى حابارلايدى، قازاقشا نۇسقاسىن قامشى پورتالى وقىرمان نازارىنا ۇسىنادى.

كوشەلەردىڭ اتىن اۋىستىرۋ ماسەلەسىندە قوعام ەكىگە ءبولىندى. ءبىرى – قوبىلاندى باتىر ەسىمىن بەرەيىك دەسە، ەكىنشى جاق – زۇلقارناي الدامجار اتىمەن اتايىق دەستى. ءبىرىنشى تاراپتىڭ زۇلقارناي الدامجار ەسىمىمەن اتاۋعا كەلىسپەگەندىكتەرى ۋنيۆەرسيتەت باسشىسىنىڭ اشۋىنا ءتيىپ كەتتى.

– كەيبىر ادامدار رەسەيلىك شوۆينيزمگە بەرىلىپ، ءوزىنىڭ نە ايتىپ وتىرعانىن ءتۇسىنىپ تۇرعان جوق. نەدەن قورقاسىڭدار، قازاقتار؟، - دەپ شامداندى بيبىگۇل الدامجار.

كوممۋنيستەر، سەندەر وسىنىڭ بارلىعىن ءوز اقشالارىڭا سالدىڭدار ما؟، - دەپ ءسوزىن جالعادى.

 – ال، مەنىڭ اكەم نەسيە الىپ، سالدى. مىنا قوستاناي ۋنيۆەرسيتەتىنىڭ بۇزىلعان  مەكەمەسىنىڭ سالىنۋىنا  2 ملن قاراجات كەتتى. سونىڭ نەسيەسىن 7 جىل بويى تولەدىك. بۇلاي دەپ ايتاتىنداي سەندەردىڭ قانداي قاقىلارىڭ بار؟

ءبىز مادەنيەت ءۇيىن 450000 دوللارعا ساتىپ العانبىز. وسى كۇنگە دەيىن سونىڭ نەسيەسىن تولەۋمەن كەلەمىز. ال، مىنا جاستارعا قاراڭىزدارشى، ولار نە دەپ جاتىر. ولارعا گەرسەن كوشەسى مەن پۋشكين كوشەسى قىمبات پا؟ ونداي دانەڭە دە جوق، قىمباتتىلارىم. ولار ءجاي عانا قورقادى، ەرتەڭ مەملەكەت الدىندا جاۋاپقا تارتىلامىز دەپ قورقادى.

بۇل جينالىستان كەيىن گەرسەن كوشەسىنىڭ اتى قوبىلاندى باتىر ەسىمىنە، تاران كوشەسى – تاۋەلسىزدىك كوشەسى بولىپ اۋىسادى دەپ شەشىم قابىلدانعان بولاتىن. ءبىراق بۇل ءىستىڭ داۋى مۇنىمەن بىتە قويمادى.

9 جەلتوقسان كۇنى قالالىق ءماسليحات دەپۋتاتى ءسايت ءىسمۇراتوۆ قوستاناي اكىمشىلىگىنە جينالىستا بولعان جاعدايعا بايلانىستى ءىستى قايتا قاراۋىن بۇيىرعان.

– قوستاناي قالاسىنىڭ ءبىرتۋار تۇلعالارىن قورعاڭدار. قازاقتىڭ اتىنان ەشكىمگە دە اۋىز اشىپ قاراماۋىمىز كەرەك! – دەپ  كەزەكسىز ماسليحات جينالىسىندا ءىسمۇراتوۆ قالالىق اكىم ورىنباسارى بيبىگۇل اككۋجينوۆاعا مالىمدەگەن بولاتىن.  

13 جەلتوقساندا قوستاناي اكىمى قوستاناي ۋنيۆەرسيتەتىنە الدامجاروۆانىڭ  ورەسكەل ىس-ارەكەت كورسەتكەنىنە قاتىستى حات جولداعانى ءمالىم بولدى.

داۋعا ۇلاسقان كوشە اتاۋلارىنا كەلەر بولساق، ولاردى اۋىستىرۋ جۇمىستارى رەسپۋبليكالىق ونوماستيكالىق كوميسسيا مۇشەلەرىنىڭ قورىتىندىسىنان كەيىن عانا جۇزەگە اسىرىلادى. بۇل ماسەلەگە قاتىستى جينالىستا داۋىس بەرۋ قۇقىعىنا تەك دەپۋتاتتار يە بولعان. 

اۋدارعان: نازەركە لابيحان