كاتار مەملەكەتى استاناسى دوحادا «ۇزدىكتەردىڭ ۇزدىگى» اتاۋىمەن قۇران وقۋ بويىنشا حالىقارالىق كونكۋرس ءوتتى. 10 كۇنگە جالعاسقان جارىستا قاتىسۋشىلار قۇراندى جاتقا وقۋدان سىنعا ءتۇستى.

حالىقارالىق كونكۋرسقا الەمنىڭ 21 مەملەكەتىنەن 37 قاري قاتىستى. جارىستىڭ باس جۇلدەسىنە 1 ميلليون كاتار ريالى (275 مىڭ اقش دوللارى) تىگىلدى. بۇل وسى كۇنگە دەيىن قۇران جارىستارىنداعى ەڭ ۇلكەن سوما بولىپ وتىر، دەپ حابارلايدى ummet.kz-اقپارات.

ال ۇلكەن جارىستىڭ ءادىل قازىلار قاتارىندا الەم بويىنشا يسلام عالىمدارى مەن عۇلامالارى بولدى. ال قاري، حافيزدەردىڭ جارىسى سپۋتنيكتىك تەلەارنالار ارقىلى تىكەلەي ەفيردە بەرىلدى. جارىستىڭ قورىتىندى اينالىمى كاتار ۇلتىق تەاترىندا ءوتتى. حالىقارالىق قۇران كونكۋرسىنىڭ باس بايگەسىنە كۋۆەيت ەلىنەن كەلگەن حاليد ءال-يناتي لايىق دەپ تانىلدى. جەڭىمپازداردى كاتار ۋاقف جانە يسلام ىستەرى ءمينيسترلى، دوكتور گەيس بين مۇباراك ال-كاۆاري مەن مادەنيەت جانە سپورت ءمينيسترى، دوكتور سالاح بين گانيم ءال-الي تابىستادى.