باي ولكەدەگى اعايىندار اراسىندا تانىمال، قازاقستاندا ءبىلىم الىپ، مونعوليا قازاقتارى مادەنيەتىنە ۇلەس قوسقان، ومىردەن ەرتە وزعان شەرىكباي ۇناتۇلىن ەسكە الۋعا ارنالعان كونسەرت وتەدى. بۇل تۋرالى بەلگىلى كاسىپكەر، مارقۇمنىڭ دوسى احمەتبەك نۇرسيلا Facebook پاراقشاسىندا جازدى.

«قۇرمەتتى بايبەسىكتىك اعايىن! شەرىكباي مارقۇمدى بىلمەيتىندەرىڭىز جوق بولار. بيىل ءتىرى بولسا 50-گە كەلەدى ەكەن. مارقۇمدى ەسكە الامىز دەپ، كوزىن كورمەسە دە، ارتىنداعى تۇياعىنىڭ ونەرىن قۇرمەتتەيتىن سەمەيلىك ازاماتتار شەرىكبايدى ەسكە الۋ كەشىن ۇيىمداستىرىپ جاتىر ەكەن. “قارعا دا بولسا ەلمىز عوي”، وسى شارانى قولداي الماساق ەلدىگىمىزگە سىن بولار. قىتايدا كەلگەن اعايىندار نەبىر كەرەمەت شارالار وتكىزىپ جاتقاندا قىزىعا دا، قىزعانا قاراپ وتىرامىز. ءبىزدىڭ بەرەكە-بىرلىگىمىزدى كورسەتەتىن شارا بولسىن. 

بايبەسىكتەنمىن دەگەن اعايىندارعا ارقىلى تاراتا جۇرىڭىزدەر. سول كونسەرتتە كەزدەسىپ، ءبىر ارقا –جارقا بولىپ قالايىق. ەلدىگىمىزدى، بارلىعىمىزدى كورسەتەيىك. كەشتى بەلگىلى اقىن ۇلاربەك نۇرعالىم ۇلى جۇرگىزەدى. 

بيلەتتىڭ قۇنى: الدىڭعى ورىندار 3000 تەڭگە، ورتادان باستاپ 2000 تەڭگە، بالكون 1000 تەڭگە. 
كونسەرتتەن تۇسكەن تابىس: شەرىكبايدىن وتباسىنا كومەك كورسەتۋگە، كونسەرتتە ونەر كورسەتكەن ونەرپازدارعا سىي اقىعا جانە كونسەرت زالىن جالعا الۋعا جۇمسالاتىن بولادى. وسى شاراعا دەمەۋشىلىك كورسەتەمىن دەگەن جاندار ۇيىمداستىرۋ القاسىنا حابارلاسىڭىزۋلارىڭىزدى سۇرايمىز. 
ساپالى قازاق” ۇيىمى»، - دەلىنگەن حابارلامادا. 

كونسەرت 28 جەلتوقساندا، الماتىداعى جامبىل اتىنداعى مەملەكەتتىك فيلارمونيانىڭ كونسەرت زالىندا وتەدى.