اقتوبەدە جازدا بولعان لاڭكەستىك وقيعا كەزىندە سودىرلار اتىسقا اراق ءىشىپ شىققان. جارالىلارعا كومەك بەرگەن دارىگەرلەر وسىلاي دەپ وتىر. ال بۇگىنگە دەيىن تەرگەۋ قۇپيالىعىنا بايلانىستى جاق اشقان جوقپىز دەيدى اق حالاتتىلار. بۇل تۋرالى tengrinews.kz حابارلادى.

"قولىنا قارۋ ۇستاپ، ادام اتقان ءار ءبانديتتىڭ قاسىندا بولدىم. كوردىم. اراقتىڭ ءيىسىن مەن دە سەزەم. ىشكەن ءبارى. ەمدەلىپ شىققاندارى دا ىشكەن. ولگەندەرى دە، جاراقاتتان ولگەندەرى دە ىشكەن"، - دەدى اقتوبە وبلىستىق جەدەل مەديسينالىق كومەك كورسەتۋ اۋرۋحاناسىنىڭ باس دارىگەرى راقىمجان ارىستان.

جيھاد دەپ شىققان ەكستريميستەردەن مۇڭكىگەن اراق ءيىسىن سەزگەن ماماندار سول كەزدە سىناما العان ەكەن. سودىرلاردىڭ بارلىعىنىڭ قانىنان الكوگول تابىلىپتى. ءتىپتى بىرەۋىنىڭ ەسىرتكى پايدالانعانى بەلگىلى بولعان.

tengrinews.kz تىلشىلەرىنىڭ مالىمەتىنشە، ونى سوت-مەديسينالىق ساراپتاما جۇرگىزگەندەر ىشتەرىندە بۇگىپ وتىر ەكەن.

ايتا كەتەلىك، 5ء-شى ماۋسىمدا 45 اسىرەدىنشىلدى دميتريي تاڭاتاروۆ جالدامالى پاتەرگە جيناعان. كەيىن جينالعانداردىڭ جارتىسى قارۋ-جاراق دۇكەندەرىنە شابۋىل جاساپ، اسكەري بولىمگە باسىپ كىرگەن بولاتىن. سول لاڭكەستىك وقيعا كەزىندە 7 ادام قازا تاۋىپ، سودىرلاردىڭ 18ء-نىڭ كوزى جويىلدى. ال ءتىرى قالعان جەتەۋى ەندى ءومىر بويى بوستاندىق كورمەيدى. جاقىندا سوت تەك ەكى سودىردىڭ تاۋبەسىنە كەلگەنىن ءتۇسىنىپ، 20 جانە 22 ەكى جىلعا ۇكىم كەستى. سونداي-اق، شابۋىلعا شىعۋدان باس تارتىپ، جارتى جولدان قايتقاندار 2-5 جىلدان جازا ارقالاعان ايتا كەتەيىك.