Kazamuza.net سايتىندا ايتىسكەر اقىن سارا توقتامىسوۆانىڭ ورىنداۋىنداعى «اقەركەم» ءانى شىقتى. ءسوزىن اقىننىڭ ءوزى جازعان، ال ءانى اسقار جايلاۋبايەۆتىكى. ماتىنىنە قاراپ ءاننىڭ ۇزاتىلىپ بارا جاتقان قىزعا ارنالعانىن بايقاۋعا بولادى. تۋىندى youtube جەلىسىنە دە جۇكتەلگەن دەپ حابارلايدى inform.kz

ايتىسكەر اقىنداردىڭ انشىلىككە بەت بۇرۋى ءبىرىنشى رەت ەمەس. بۇعان دەيىن ايتىس ارقىلى تانىلعان تورەعالي تورەالى دە ءبىرجولا انشىلىككە بەت بۇرىپ، ايتىستى دوعاردى. اقىن اقمارال لەۋبايەۆا دا بەينەبايان ءتۇسىردى. ال، جاقىندا ايتىس الامانىندا تالاي تەمىر تۇلپاردى ەنشىلەگەن اينۇر تۇرسىنبايەۆا دا ءوزىنىڭ قىزىنا ارناپ شىعارعان ءاندى تەلەباعدارلامالاردىڭ بىرىندە ورىنداعان ەدى.

ايتىسكەرلەر دە انشىلىككە بەت بۇرا باستادى. مۇنى سەبەبى نە؟ قولدارىنان دومبىراسى تۇسپەيتىن ايتىسكەر اقىندارىمىزدىڭ قولىنان ەندىگى كەزەكتە ميكروفوندى ءجيى كورەتىن سەكىلدىمىز. دەگەنمەن، باسقا كوپتەگەن انشىلەر سياقتى ەمەس، بۇل كىسىلەر وزدەرىنىڭ تازا داۋىسىمەن حالىقتى الداماي ءان شىرقايتىن بولار دەپ سەنەمىز.جوعارىدا ايتىپ وتكەندەي بىرنەشە ايتىسكەر اقىندارىمىز انشىلىككە بەت بۇرعالى ايتىس ونەرىن تەجەپ قويعان ەدى. ايتىستىڭ تىزگىنىن قولىنا الىپ، اتا-بابامىزدان قالعان ۇلتتىق ونەرىمىزدى جالپاق جۇرتقا دارىپتەپ، ۇرپاق تاربيەلەۋ ىسىنە كەڭىنەن ىقپال جاساپ جۇرگەن بۇل اقىندارىمىز دا ايتىستان كەتەدى دەگەن ءسوز بە؟

قامشىگەر: لابيحان نازەركە