ارگەنتينا ۇلتتىق قۇراماسى مەن «بارسەلونا» فۋتبول كلۋبىنىڭ شابۋىلشىسى ليونەل مەسسيدىڭ ءنومىرى جازىلعان اق-كوگىلدىر ءتۇستى فۋتبول جەيدەسىن پاكەتتەن جاساپ الىپ، الەم نازارىن وزىنە اۋدارعان اۋعانستاندىق ءبۇلدىرشىن مۇرتازا احمادي ايگىلى فۋتبولشىمەن كەزدەستى.
قاڭتار ايىندا تاراعان وسى سۋرەتتەگى بالانىڭ كوك پاكەتتەن فۋتبولكا جاساپ، ارتىنا «MESSI 10» دەگەن جازۋ جازىپ العان سۋرەتى بۇكىل الەمگە تاراپ كەتكەن بولاتىن.
ودان كەيىن مەسسيدىڭ ءوزى كىشكەنتاي جانكۇيەرىن ىزدەپ جاتقانى ءمالىم بولعان. كوپ وتپەي اۋعانستان فۋتبول فەدەراسياسىنىڭ قىزمەتكەرلەرى ليونەل مەسسيدىڭ وكىلدەرىمەن بايلانىسقا شىعىپ، قولى قويىلعان جەيدەسىن جەتكىزگەن ەدى.
