نارىقتىق ەكونوميكامىزدىڭ باسىم باعىتى - كاسىپكەرلىكتى دامىتۋ. وڭىرىمىزدە سول سەبەپتەن دە توقىما ءوندىرىسى كەڭىنەن قانات جايۋدا. مەملەكەتتىك ماڭىزى بار ىسكە جاستار دا قىزۋ قولداۋ كورسەتىپ وتىر. بۇگىن وڭتۇستىك وبلىستىڭ ءبىر توپ ستۋدەنتى توقىما ىسىمەن اينالىساتىن كاسىپورىندارعا ساپار شەكتى. سول ارقىلى كاسىپتىك ءبىلىم الۋشىلار وتاندىق ءوندىرىستى وركەندەتۋگە العاشقى قادامىن جاسادى.

            بۇل - «بالتەكستيل» جاۋاپكەرشىلىگى شەكتەۋلى سەرىكتەستىگى. ۇدەمەلى يندۋستريالدى يننوۆاسيالىق دامۋ باعدارلاماسى اياسىندا ىسكە قوسىلدى. وندىرىستىك قۋاتى جىلىنا 8 مىڭ توننا كىلەم توقۋعا جەتەدى. مۇندا 450 جەرگىلىكتى تۇرعىن جۇمىسپەن قامتىلعان.  جۇمىسشىلاردىڭ 60 پايىزدان استامى –جاستار.

            بۇگىن فابريكانىڭ جۇمىسىمەن تانىسۋعا 50-دەن اسا جاس كەلدى. سولاردىڭ ءبىرى سىمبات №5 كوللەدجدە وقيدى. ماماندىعى-توقىماشى. بولاشاق جۇمىس ورنىن ازىردەن تاڭداپ ءجۇر. سەبەبى، وڭتۇستىك ەركىن ەكونوميكالىق ايماعىندا بۇدان وزگە بىرنەشە كاسىپورىن بار. قايسىسىندا قانداي مۇمكىندىكتەر قاراستىرىلعان، سونى سارالاۋدا.

            ءوندىرىس ورىندارىنىڭ جۇمىسىمەن تانىسىپ شىققان جاستار وزدەرىنە قاجەتتى مالىمەت الدى. مۇنداي شارالار جاستاردىڭ تەحنيكالىق ماماندىقتاردى تاڭداۋعا جانە ءوز كاسىبىن اشۋعا قىزىعۋشىلىعىن ارتتىرارى ءسوزسىز. ەڭبەكتەنۋدەن قاشپايتىن، جىگەرلى جاستاردى مۇنداي ماماندىقتارعا باۋلۋ ءىسى وبلىستا وڭ ناتيجە بەرەرى ءسوزسىز. سەبەبى ەلىمىزدە جەڭىل ونەركاسىپتى قايتا جانداندىرۋعا ۇكىمەت باعدارلاماسى بويىنشا دا كوڭىل بولىنە باستادى.