قازاقستانننىڭ تاۋەلسiز ەگەمەندi مەملەكەت رەتiندە دامۋىنىڭ باستى شارتى – ۇلتتىق قاۋiپسiزدiكتi قامتاماسىز ەتۋ. ەلىمىزدىڭ ۇلتتىق قاۋiپسiزدiگى «قازاقستان رەسپۋبليكاسىنىڭ ۇلتتىق قاۋiپسiزدiگi تۋرالى» ق ر زاڭىمەن قورعالعان. اتالمىش زاڭدا «مەملەكەتتiك ورگانداردىڭ، مەنشiك نىساندارىنا قاراماستان ۇيىمداردىڭ جانە ازاماتتاردىڭ ۇلتتىق قاۋiپسiزدiكتi قامتاماسىز ەتۋ سالاسىنداعى قۇقىقتىق قاتىناستارىن رەتتەيدi، قازاقستان رەسپۋبليكاسىنىڭ ۇلتتىق قاۋiپسiزدiگiن قامتاماسىز ەتۋدiڭ ماقساتىن، جۇيەسi مەن باعىتتارىن بەلگiلەيدi» دەپ جازىلعان.

«قازاقستان رەسپۋبليكاسىنىڭ ۇلتتىق قاۋiپسiزدiگi تۋرالى» زاڭىنىڭ 5-بابىنىڭ 2) –تارماعىنا سايكەس، «كونستيتۋسيالىق قۇرىلىستى كۇشتەپ وزگەرتۋگە باعىتتالعان iس-ارەكەت، ونىڭ iشiندە قازاقستان رەسپۋبليكاسىنىڭ بiرەگەي قۇرىلىسىنا، تۇتاستىعىنا، قول سۇعىلماۋشىلىعىنا، اۋماعىنىڭ ءبولiنبەستiگiنە قيانات كەلتiرەتiن iس-ارەكەت قازاقستان رەسپۋبليكاسىنىڭ ۇلتتىق قاۋiپسiزدiگiنە تونەتiن قاۋiپ-قاتەر بولىپ تابىلادى.

الايدا، رەسەي مەن ۋكراينا اراسىنداعى جاعدايدان كەيىن ۇلتتىق قاۋiپسiزدiك تۋرالى زاڭدى بەلشەسىنەن باسىپ، قازاقستاننىڭ رەسەيگە قوسىلۋىن الەۋمەتتىك جەلىلەر ارقىلى اشاقتان-اشىق ناسيحاتتاۋشىلار پايدا بولدى.

ەرمەك تايچيبەكوۆ اتتى ازامات ءوزىنىڭ فەيسبۋكتەگى جەكە پاراقشاسىندا جامبىل وبلىسىندا تۇراتىن، قازاقستاننىڭ رەسەيگە قوسىلعانىن قالايمىن دەيتىن ازاماتتاردى تاۋىپ، بەينەتاسپاعا ءتۇسىرىپ، ونى الەۋمەتتىك جەلىدە- youtube.com سايتى ارقىلى جاريالاعان. سول ارقىلى «بۇكىل جامبىلدىقتار قازاقستاننىڭ رەسەيگە قوسىلۋىن قالايدى» دەپ كورسەتكىسى كەلگەن بولسا كەرەك. بەينەجازبادا «رەسەيگە قوسىلۋ ارمانىم»، «قازاقستان رەسەيدىڭ گۋبەرنياسى بولعانىن قالايمىن» دەگەن سوزدەردى ازاماتتاردىڭ اۋىزىنا سالىپ بەرگەنى بايقالادى. ءتىپتى، قاسىنا ەكى بالاسىن ەرتە شىققان ءبىر ازامات ەل پرەزيدەنتى نۇرسۇلتان نازاربايەۆقا قاراتا «قاراپايىم ادامدارعا ەگەمەندىكتىڭ قاجەتى قانشا، شەكارانى الىپ تاستا» دەپ سوعادى.

ءسوزىمىز دالەلدى بولۋ ءۇشىن بىرنەشە بەينەجازبانى نازارلارىڭىزعا ۇسىنىپ وتىرمىز.

«ار-نامىسىما ءتىل تيگىزدى» دەپ جۋرناليستەردى سوتقا بەرەتىن اق جاعالىلار مەن قۇقىق قورعاۋ ورگاندارى ۇلتتىق قاۋىپسىزدىگىمىزگە، ەگەمەندىگىمىزگە، تۇتاستىعىمىزعا ءقاۋىپ ءتونىپ جاتقاندا قايدا قاراپ وتىر؟ شاماسى ولارعا ۇلتتىق قاۋىپسىزدىكتەن، ەلدىڭ ەگەمەندىلىگىنەن گورى ءوزىنىڭ ابىروي بەدەلى ارتىق-اۋ شاماسى؟!

ەستەرىڭىزگە سالا كەتسەك الماتىدا ءبىر توپ «نامىسشىلدار» «گيتلەردىڭ سۋرەتىن جۋرنال مۇقاباسىنا باسىپ شىعارىپ، ار-نامىسىمىزعا نۇقسان كەلتىردى» دەپ «اڭىز ادام» جۋرنالىن سوتقا بەرگەن ەدى. سونداي-اق، قاراعاندى قالالىق ماسليحاتىنىڭ جۇمىسىن سىناعانى ءۇشىن حالىق قالاۋلىلارى جەرگىلىكتى «ۆزگلياد نا سوبىتيا» گازەتىن سوتقا بەرگەن بولاتىن. ال ۇلتتىق قاۋىپسىزدىگىمىزگە ءقاۋىپ ءتوندىرىپ جۇرگەندەرگە كەلگەندە، ءبارى اۋزىنا قۇم قۇيعانداي بولىپ وتىرعانى تۇسىنىكسىز. ال قۇقىق قورعاۋ ورگاندارىنىڭ ۇنسىزدىگىنە نە ايتارىڭدى بىلمەيسىڭ. جوق الدە ءىستى قۇپيا تۇردە جۇرگىزىپ جاتىر ما ەكەن؟

ب ا ق تۋرالى زاڭعا جالعان اقپارات، قاۋەسەت تاراتۋ ارقىلى مەملەكەتتىڭ تۇراقتىلىعىنا، تۇلعالاردىڭ جەكە باسىنا زيان كەلتىرگەنى ءۇشىن قىلمىستىق جازا قاراستىرۋدى ەنگىزگەندەر ءوز ابىروي-بەدەلىن، قارا باسىنىڭ قامىن ويلاعان-اۋ شاماسى.

رەسەيگە قوسىلۋدى ناسيحاتتاۋشىلاردىڭ كوكسەگەنى نە؟ جوق الدە ولار الدەبىر كۇشتەردىڭ قارجىسىنا قوعامدىق ۇيىم قۇرىپ، سولاردىڭ سويىلىن سوعىپ جۇرگەندەر مە؟ ولاردىڭ ارەكەتى – وتانعا جاسالعان قيانات. ەگەر ولاي بولسا، ولاردىڭ ىس-ارەكەتتەرىنە شۇعىل تۇردە توسقاۋىل قويىلىپ، ەلىن اقشاعا ساتقانى ءۇشىن ولارعا ەڭ اۋىر جازا قولدانىلۋى ءتيىس.

"الاش ايناسى"