مەملەكەتتىك ءتىلدىڭ بىرەگەي ستاتۋسىنا قارسى شىققان ورىستاردىڭ كوبى كوشىپ كەتكەن شىعار. ورىستەكتىلەر اراسىنان شىققان كەيبىرەۋلەرى دەموكراتپىن دەپ جۇرگەندەر دە بار.ارينە، جالعان دەموكراتتار قازاق جانشىلعان، قىرىلعان حالىق دەپ كەشىرىم سۇراۋدىڭ ورنىنا، ولار قازاق ءتىلىنىڭ بىرەگەي ستاتۋسىنا جارماستى. وكىنىشتى. ءبىزدىڭ پوستكولونيالدىق بيلىكتىڭ نيەتى دە وسىلاردىڭ تالابىنا ءيىلدى. ءبىراق قازاق ءوز مۇددەسىن بىلە ءبىلدى. وعان كۋا قازاق مەكتەبىنىڭ كۇرت وسە بەرۋى. العاشقى دەموكراتيالىق تولقىننىڭ ساتسىزدىككە ۇشىراۋى دا قالىڭ قازاقتىڭ قالاۋى - قازاق ولاردىڭ ورىس شوۆينيستىك كوزقاراستان ارىلماعانىن بايقاپ ولاردى قولدامادى. ال قازاقتەكتى ورىسشىلدار شى؟ ولار قازاقتىڭ ءتىلىنىڭ تاعدىرىنا، قازاق ءتىلىنىڭ اياققا تۇرا باستاعان كەزىندە شابۋىل جاسادى. كەرىسىنشە قازاق ءتىلىنىڭ جاناشىرلارى سول تارتىستاردا شىڭايىپ شىقتى. ولار ورىسشا وقىعاندار ەدى، ول ايىپ ەمەس-تاعدىر دەيدى كەيبىرەۋلەر. جوق، ولاي ەمەس. مەن دە ورىس مەكتەبىن ءبىتىردىم. ءبىراق قازاق قۇندىلىقتارىنان جەرىگەن جوقپىن. ەركىن اعىلشىنشاما جانە وي ورىسىمە قاراپ ماعان اقش قا كەتۋدى ەكى رەت ۇسىنعان ەدى. ءبىراق مەن قازاقستانىمدى تاستاعىم كەلمەدى جانە كەلمەيدى. اداسۋ كوپ ادامنىڭ باسىنا كەلەتىن جاعداي: كەزىندە اداسىپ ەدىم حالقىم ەندى كەشىر دەسە بولدى عوي. قازاق كەڭ حالىق، جارايدى، اداسقان شىعار دەپ كەشىرەر ەدى.
قازاق تىلىنە دامۋىنا قارسى شىققانداردىڭ ساياسي بولاشاعى جانە پەرپەكتيۆاسى بولماۋ كەرەك. ولاردىڭ گازەتتەرىن الماۋ، سايتتارىن وقىماۋ، ءسوزىن سويلەمەۋ، اتىن اتاماۋ كەرەك. ونسىز دا ورىسشا وقۋ ازايىپ كەلەدى. كوكجيەگىمىزدى تارىلتپاۋ ءۇشىن اعىلشىن، تۇرىك، جۇڭگو باسپاسوزىنەن ءبىلىم ءنارىن الۋىمىز كەرەك. ءبىر سوزبەن ايتقاندا بىزگە ساياسي ديۆەرسيفيكاسيا جانە وي تاۋەلسىزدىگى كەرەك.
پىكىر قالدىرۋ