سمارتفونعا ارنالعان دارەتحانا قاعازى – ەستىر قۇلاققا تۇرپايىلاۋ ەستىلگەنىمەن، بۇل پايداعا اسپايتىنداي جاڭالىق ەمەس. ويتكەنى دارەتحانادا بولسىن، قوعامدىق ورىنداردا بولسىن ۇيالى تەلەفونىمىزدان ءبىر ەلى ايىرىلمايمىز. ال، مۇنداي ورىندارداعى اۋا مۇمكىندىگىنشە ميكتوبتارعا تولى بولادى، سول سەبەپتى گادجەت بەتىن دە توزاڭ باسىپ قالادى. ءدال وسىنداي جاعدايلاردا جاپوندىق دارەتحانا قاعازى كومەككە كەلەدى.

ەڭ العاش تاجىريبە توكيو قالاسىنداعى ناريتا اۋەجايىندا وتكىزىلۋدە. بۇل ەرەكشە باعدارمانىڭ باستاماشىسى جاپوندىق NTTDoCoMo ۇيالى وپەراتورى بولىپ وتىر. قاعازدىڭ ءار بۋماسىندا Wi-Fi جەلىلەرىنە قالاي تەگىن قوسىلۋعا بولاتىنى جايلى اقپارات جازىلعان جانە دە جولاۋشى قىزىقتىرعان باسقا دا سۇراقتارىنا جاۋاپ الا الادى. ارينە، گادجەتتىڭ بەتىندە ونىمەن قوسا، ميكروبتاردى قالاي تازالاۋعا بولاتىنى جايلى نۇسقاۋلىق جازىلعان.

ەگەر وسى تارىزدەس يننوۆاسيا كۇلكىڭىزدى تۋعىزسا، مۇنداي پروسەدۋرالاردىڭ ۇلكەن ءمانى بار ەكەنىن ەسكەرتۋگە اسىعامىز. سمارتفون تازالانباي، ايلار بويى لاس بولعاندىقتان، قولىمىزدى ءجيى جۋعانىمىزدان نە پايدا؟ كوزگە تازا سياقتى كورىنگەنىمەن، مامانداردىڭ ايتۋى بويىنشا ەڭ لاس جەرلەردىڭ ءبىرى ءدال وسى گادجەدتىڭ بەتى سانالادى ەكەن. ال، ءبىز ونى تۇسكى استا دا، ۇيىقتار كەزدە دە، جالپى بارلىق كەزدە جانىمىزدا الىپ جۇرەمىز. وسى تەندەنسيا باسقا ەلدەرمەن قوسا، قازاقستاندا دا جالعاسىن تابادى دەپ سەنەمىز.