دىنمۇحاممەد ىدىرىسوۆ - بۇكىل ەلگە، اسىرەسە بيزنەس الەمىنە كەڭىنەن تانىلعان ازامات. ارىستىڭ تۋماسى «فوربس» جۋرنالى ازىرلەگەن ەڭ داۋلەتتى قازاقستاندىق بيزنەسمەندەردىڭ تىزىمىندە 11-ورىنعا جايعاسقان. سوعان قاراعاندا، ىدىرىسوۆ وڭتۇستىكتەن شىققان ەڭ باي ازامات بولىپ تۇر. ونىڭ جيىپ-تەرگەن مۇلكىن ايگىلى جۋرنال 479 ميلليون دوللارعا باعالاپ وتىر. "رەيتينگ" گازەتىنە بەرگەن سۇحباتىندا ميلليونەر ەسىمىنىڭ ديمەكەڭ، ياعني دىنمۇحاممەد قونيەۆتىڭ قۇرمەتىنە قويىلعانىن ايتتى دەپ حابارلايدى rgmedia.kz
"ديمەكەڭ ءبىر رەت باسشىلىقتا بولىپ، كەيىن سول قىزمەتكە قايتا ورالادى. بۇل قازان ايىندا بولعان. سول كەزدە مەن دۇنيەگە كەلىپپىن. سودان اتا-انامنىڭ قۋانىپ، ەسىمىمدى سول كىسىنىڭ قۇرمەتىنە قويعان ەكەن".
ىدىرىسوۆتى ەل-جۇرت "دەلەۋ" دەپ اتاپ كەتكەنى بەلگىلى. بۇل لاقاپ ەسىم قايدان شىقتى؟ مۇنىڭ سەبەبىن تۇسىندىرگەن ول:
"كىشكەنتاي كەزىمدە اعامنىڭ دىنمۇحاممەد دەۋگە ءتىلى كەلمەي، دەلەۋ دەيدى ەكەن. "كەيىننەن سولاي قالىپتاسىپ كەتتى " دەيدى.
