اقش مەملەكەتتىك دەپارتامەنتى ازىرلەگەن حالىقارالىق ءدىني ەركىندىك تۋرالى ەسەپ بويىنشا، 2013 جىلى الەمدە ءدىني ۇستانىمىنا بولا تۇرعىلىقتى جەرىنەن كەتۋگە ءماجبۇر بولعاندار سانى ەڭ جوعارعى كورسەتكىشكە جەتكەن. بۇل تۋرالى ازاتتىق راديوسى جازدى. “الەمنىڭ تۇكپىر-تۇكپىرىندە ميلليونداعان مۇسىلمان، حريستيان، يندۋيستەر مەن باسقا دا ءدىني كونفەسسيالار وكىلدەرى ءدىني ۇستانىمىنا بايلانىستى تۇرىپ جاتقان جەرىن تاستاپ كەتۋگە ءماجبۇر بولادى” دەلىنگەن مەملەكەتتىك دەپارتامەنت ەسەبىندە.
تاجىكستاندا، تۇركىمەنستان مەن وزبەكستاندا دا مەملەكەت ماقۇلداعان ءدىني ارەكەت قانا زاڭدى دەپ تانىلادى ەكەن. باياندامانى ازىرلەگەن ساراپشىلار پاكىستان بيلىگىن قۇدايعا ءتىل تيگىزۋ تۋرالى زاڭىن قولدانادى دەپ سىناسا، رەسەيدە “ەكسترەميزمگە” قارسى جاڭا زاڭدار مەن زاڭنامالارعا ەنگىزىلگەن تۇزەتۋلەر ءدىني توپتاردىڭ ارەكەتىن ودان ارى شەكتەي ءتۇسۋ ءۇشىن قولدانىلادى دەپ قورتىندى جاساعان. وسى رەتتە قازاقستان ءار ءتۇرلى دىندەردىڭ قاتار دامۋىنا جول اشقان زايىرلى مەملەكەت بولىپ سانالادى.
