تالعارداعى سەل شايىپ كەتكەن سۋ قۇبىرىن قالپىنا كەلتىرۋگە 64 ملن تەڭگە قاجەت. Tengrinews.kz جاڭالىقتارىنىڭ جازۋىنشا بۇل تۋرالى الماتى وبلىسى اكىمىنىڭ ورىنباسارى تىنىشباي دوسىمبەكوۆ ايتقان.

ونىڭ مالىمەتىنشە، 28 شىلدە كۇنى تۇرعىن ۇي-كوممۋنالدىق شارۋاشىلىق، قۇرىلىس باسقارماسى، ساۋلەت جانە قالالىق سۋ ارناسى وكىلدەرىنىڭ قاتىسۋىمەن كوميسسيا وتىرىسى ءوتتى. زاقىمدانعان سۋ قۇبىرىنىڭ ۇزىندىعى 500 مەتر ەكەنى انىقتالدى. "كەشە گۇلدالا اۋىلدىق ەلدى مەكەنىندەگى تەرەڭ ۇڭعىمانى قالپىنا كەلتىرۋ كەرەك دەگەن ورتاق تۇجىرىم جاسادىق. سۋ تاراتقىش جۇيەسى بۇزىلعان، ءۇش ناسوسى جۇمىس ىستەمەي تۇر، سۋ سورۋ كەزىندە 50% سۋ بەرىلەدى. سۋ تاراتۋ قۇبىرىنىڭ سەل شايىپ كەتكەن 500 مەترىن قالپىنا كەلتىرۋ ءۇشىن 64 ملن تەڭگە قاجەت بولادى. ءبىراق جاڭبىر، سەل كەزىندە لاي سۋ جۇرەتىن بولادى"، - دەيدى وبلىس اكىمىنىڭ ورىنباسارى. سول سەبەپتى سۋ ۇڭعىمادان بەرىلەتىن بولسا، ونىڭ قۇنى جوعارى بولاتىنىن ايتادى.

ازىرشە ءتورت ەلدى مەكەنگە 18 سۋ تاسۋشى جۇمىس ىستەيدى. سۋ شايعان "سپۋتنيك" لاگەرىنە دەيىنگى جولعا ۋاقىتشا جوندەۋ جۇرگىزۋ ءۇشىن تاعى 60 ملن تەڭگە قاجەت بولاتىن كورىنەدى. سەلدەن كەلگەن جالپى شىعىن تولىق ەسەپتەلمەگەن. ەسكە سالاتىن بولساق 17 شىلدە كۇنگى تابيعي اپات كەزىندە تالعار اۋدانىنا قاراستى بىرنەشە ەلدىمكەن اۋىزسۋسىز قالدى. سەل اعىندارى ورمان شارۋشىلىعىنداعى 3 ءۇيدى، «دجەرجينەس» جۇمىس ىستەمەيتىن بالالار لاگەرىنىڭ قۇرىلىسىن، «سپۋتنيك» پيونەر لاگەرىنە اپاراتىن اۆتوجولدار ۋچاسكەلەرىن، وزەن ارناسىنا جاقىن ورنالاسقان ءدامحانانىڭ 2 جازعى تەراسساسىن، سونداي-اق «الماتى قالاسى – قورعاس قالاسى» جولىنداعى اۆتوموبيل كوپىرىن شايىپ ءوتتى.  

قامشى-اقپارات