بيىل ەلىمىزدە 300 مىڭعا جۋىق بالا ءبىرىنشى سىنىپقا بارادى، - دەپ حابارلايدى Tengrinews.kz ءتىلشىسى ق ر بعم مەكتەپكە دەيىنگى جانە ورتا ءبىلىم، اقپاراتتىق تەحنولوگيالار دەپارتامەنتىنە سىلتەمە جاساپ.

"2014-2015 وقۋ جىلىنىڭ باسىندا ءبىرىنشى سىنىپقا باراتىن وقۋشىلاردىڭ بولجانىپ وتىرعان كونتينگەنتى 277 575 بالانى قۇرايدى"، - دەپ حابارلادى دەپارتامەنت ماماندارى.

ەسكە سالايىق، بىلتىر ەلىمىزدە 260 مىڭ بالا مەكتەپكە تۇڭعىش رەت بارعان ەدى. دەپارتامەنتتىڭ مالىمەتىنشە، رەسپۋبليكادا بارلىعى 7649 مەكتەپ بار، ونىڭ 7307ء-ى - جالپى ءبىلىم بەرەتىن كۇندىزگى مەكتەپ. مەكتەپتەردىڭ ۇشتەن ەكىسى - 3796 مەكتەپ قازاق تىلىندە، 1349-ى ورىس تىلىندە وقىتادى. مينيسترلىك ماماندارىنىڭ مالىمەتىنشە، 2014 جىلدىڭ 1 قىركۇيەگىندە ەلىمىزدە 68 جاڭا مەكتەپ اشىلادى. شىعىس قازاقستان وبلىسىندا 18، وڭتۇستىك قازاقستان وبلىسىندا 17، استانا قالاسى مەن قىزىلوردا وبلىسىندا التى، اتىراۋ وبلىسىندا توعىز مەكتەپ پايدالانۋعا بەرىلەدى.

قامشى-اقپارات