جۇڭگو رەسمي باسپا ءسوز قۇرالى شىڭجاڭ ۇيعىر اۆتونوميالىق اۋدانى شاچە ۋەزىندە 29 شىلدە كۇنى ءبىر توپ قارۋلى ادامنىڭ بيلىك مەكەمەلەرىنە شابۋىل جاساعانى تۋرالى حابارالعان. شين حۋا اگەنتتىگىنىڭ دەرەگىنشە، پىشاقپەن قارۋلانعان بەلگىسىز توپ پوليسيا بولىمشەسى مەن اكىمشىلىك مەكەمەسىنە شابۋىلداپ، ونداعان بەيبىت تۇرعىن قازا تاپقان. قۇربان بولعاندار - ەتنيكالىق ۇيعىرلار مەن قىتايلار.

«ازاتتىق راديوسى» ميۋنحەندە ورنالاسقان دۇنيەجۇزىلىك ۇيعىر كونگرەسىنىڭ وكىلى باسقاداي اقپارات تاراتقانى تۋرالى جازدى. كونگرەسستىڭ حابارلاۋىنشا، شىڭجاڭدا دەمونسترانتتار مەن پوليسيا قاقتىعىسقان، 20 ۇيعىر مەن 13 پوليسەي قازا تاۋىپ، 10 ادام جارالانعان، 67 ادام تۇتقىندالعان. كونگرەسس وكىلىنىڭ دەرەگىنە قاراعاندا، ۇيعىرلار جۇڭگو بيلىگىنىڭ قۋدالاۋىنا قارسىلىق بىلدىرگەن.

شىڭجاڭداعى ۇلتتىق تەكە-تىرەستىڭ باستى سەبەبى ۇيعىرلاردىڭ تاۋەلسىز مەملەكەت قۇرۋعا دەگەن تالپىنىسى بولىپ تابىلادى. بۇعان بەيجىڭ تەرروريستىك ارەكەت رەتىندە قاراپ كەلەدى. سوڭعى جىلدارى حانزۋ ۇلتىمەن ءجيى قاقتىعىسىپ قالاتىن ۇيعىرلار ءجيى قونىستانعان اۋماقتا باقىلاۋ قاتتى كۇشەيگەن، سوعان قاراماستان ءىشىنارا راديكالدىق ارەكەتتەر تولاسسىز جالعاسىپ كەلەدى.

قامشى-اقپارات