ۋكراينا پارلامەنتى باسىم كوپشىلىك داۋىسپەن پرەمەر-مينيستر ارسەنيي ياسەنيۋكتىڭ وتستاۆكاسىن قابىلداماي تاستادى. 31 شىلدەدە وتكەن سەسسيادا قاتىسىپ وتىرعان 311 دەپۋتاتتىڭ 295ء-ى ياسەنيۋكتىڭ وتستاۆكاعا كەتۋىنە قارسى داۋىس بەردى. پرەمەردىڭ وتستاۆكاسىن تەك 16 دەپۋتات قانا قولدادى.
پارلامەنت پرەمەردىڭ وتستاۆكاسىنا داۋىس بەرەر الدىندا ەلدىڭ شىعىسىنداعى سەپاراتيستەرگە قارسى اسكەري وپەراسيانى قارجىلاندىرۋ ءۇشىن ماڭىزدى زاڭ جوباسىن ماقۇلداعان. ارسەنيي ياسەنيۋك 24 شىلدەدە ۇكىمەتتىك كواليسيادان ەكى پارتيا شىعىپ كەتكەن سوڭ وتستاۆكاعا كەتەتىنىن مالىمدەگەن. ءبىراق وتستاۆكاعا كەتۋ ءۇشىن ول پارلامەنتتىڭ ماقۇلداۋىنان ءوتۋى ءتيىس بولعان. ۋكراينا پرەزيدەنتى پەتر پوروشەنكو پارلامەنت پەن ۇكىمەتتى ىمىراعا كەلىپ، پارلامەنتتىڭ جۇمىسىن جالعاستىرا بەرۋگە شاقىرعان.
Azattyq.org
