رەسەي قارجى مينيسترلىگى 2016 جىلدان باستاپ، "بايقوڭىرعا" قارجى ءبولۋدى توقتاتۋى مۇمكىن. بۇل تۋرالى مالىمەتتى روسكوسموس باسشىلىعىنا سىلتەمە جاساعان"يزۆەستيا" جازادى.
دەرەككوزدىڭ مالىمەتىنە قاراعاندا، سوڭعى ەكى اپتادا فەدەرالدىق بيۋدجەتتىڭ 2016-2018 جىلعى جوباسىندا زىمىران-عارىش سالاسىنىڭ پوزيسياسى ناشارلاعان. باسىلىمنىڭ مالىمدەۋىنشە، قارجى كولەمىنىڭ قىسقارۋى 2015 جىلى ىسكە قوسىلۋى ءتيىس "ۆوستوچنىي" كوسمودرومىنىڭ سالىنۋىمەن بايلانىستى بولۋى مۇمكىن.
"بيۋدجەت جوباسىنىڭ الدىڭعى نۇسقاسىندا بايقوڭىرعا 2016 جىلى 2،5 ميلليارد رۋبل ءبولۋ قاراستىرىلعان بولاتىن. بۇل قارجى قىزمەتكەرلەردىڭ جالاقىسى مەن نىساننىڭ جۇمىس قابىلەتىن ساقتاپ تۇرۋ ءۇشىن قاجەت. ءبىز ودان كوپ سۇراعانبىز. الايدا قارجى مينيسترلىگىندە ءبىزدىڭ وكىلىمىزگە كورسەتكەن بيۋدجەت جوباسىنىڭ سوڭعى نۇسقاسىندا، ءتىپتى ءبىر تيىن دا قاراستىرىلماپتى. ياعني بۇل ءبىزدىڭ كوسمودرومداعى ماماندار ۇجىمىنا قارجى بەرىلمەيدى دەگەن ءسوز. ءبىزدىڭ وكىلىمىز نەلىكتەن قارجى قاراستىرىلماي وتىرعانىن سۇراعاندا، وعان "قارجى جاڭا قۇرىلعان ۆوستوچنىي كوسمودرومىنا بولىنەدى" دەپ ايتىپتى" دەيدى باسىلىمعا بەرگەن سۇحباتىندا عارىش ينفراقۇرىلىمىن پايدالانۋ ورتالىعىنىڭ باس ديرەكتورى سەرگەي لازاريەۆ.
"بايقوڭىر" - قازاقستان اۋماعىندا 1955 جىلدان باستاپ جۇمىس ىستەپ تۇرعان حالىقارالىق عارىش ايلاعى. بىرلەسىپ كەشەن قۇرىپ وتىرعان بايقوڭىر قالاسى مەن "بايقوڭىر عارىش" ايلاعىن رەسەي 2050 جىلعا دەيىن جالعا العان بولاتىن.
Tengrinews.kz
