قازاقستان پرەزيدەنتى نۇرسۇلتان نازاربايەۆ پارلامەنت سەناتىنىڭ 16 دەپۋتاتىنىڭ سايلاۋىن 1 قازان كۇنى وتكىزۋ تۋرالى جارلىققا قول قويدى. بۇل تۋرالى جەرگىلىكتى رەسمي باسىلىمدار 31 شىلدە كۇنى حابارلادى.

جارلىقتا "2008 جىلى قازان ايىندا سايلانعان كەيبىر سەنات دەپۋتاتتارىنىڭ وكىلەتتىگى اياقتالعانى" ايتىلعان.

پرەزيدەنت جارلىعىمەن "ۇكىمەتكە، استانا مەن الماتى قالالارىنىڭ جانە وبلىستاردىڭ اكىمدەرىنە سەنات دەپۋتتاتتارىن سايلاۋدى ۇيىمداستىرۋ، بۇل شارانى ماتەريالدىق-تەحنيكالىق جانە قارجىلىق جاعىنان قامتاماسىز ەتۋ تاپسىرىلعان".

"قازاقستان رەسپۋبليكاسىنىڭ سايلاۋ تۋرالى" زاڭىنا سايكەس، دەپۋتاتتىققا كانديدات ۇسىنۋ سايلاۋ مەرزىمى بەلگىلەنگەن كۇننىڭ ەرتەڭىندە باستالىپ، سايلاۋعا ءبىر اي قالعاندا اياقتالادى.

سەناتتا بارلىعى 47 دەپۋتات بولادى. ولاردىڭ 15ء-ىن پرەزيدەنت، 32ء-سىن (ءاربىر وبلىس پەن استانا جانە الماتى قالالارىنان ەكى كانديداتتان) ءماسليحاتتار سايلايدى. سەنات دەپۋتاتتارى التى جىل مەرزىمگە سايلانادى. ءار ءۇش جىلدا 16 سەناتور قايتا سايلانىپ وتىرادى. سوڭعى رەت سەنات سايلاۋى 2011 جىلى ءوتتى.

Azattyq.org