ناسا 6 جىلدان كەيىن جۇزەگە اسىرىلاتىن جوسپارىمەن ءبولىستى. وعان سايكەس، ۇيىم «مارس-2020» ميسسياسى اياسىندا عالامشارعا وتتەگى وندىرەتىن قوندىرعى جونەلتپەك، دەپ جازادى ۆۆس.
سول ارقىلى امەريكالىق عالىمدار مارستىق اتموسفەرانىڭ كومىرقىشقىل گازىنان استروناۆتتار مەن زىمىران وتىنى ءۇشىن جارامدى وتتەگى الۋعا بولاتىنىن زەرتتەپ بىلمەكشى. ناسا قولعا الىنىپ وتىرعان پيلوتتىق جوبانى 2030 جىلعا قاراي جۇزەگە اسىرامىز دەپ وتىر. ناسا ماماندارىنىڭ ايتۋىنشا، «مارس-2020» كەمەسىنىڭ ميسسياسى مارستىڭ قورشاعان ورتاسىنا قاتىستى ءبىرقاتار سۇراقتارعا جاۋاپ الۋعا، سونداي-اق قىزىل عالامشاردى تولىقتاي زەرتتەۋ ءۇشىن قاجەتتى تەحنولوگيالاردى سىناقتان وتكىزۋگە كومەكتەسەدى.
Bnews.kz
