استانادا جىل سوڭىنا دەيىن 8 مەكتەپتى قولدانىسقا بەرۋ جوسپارلانعان. قازاقپاراتتىڭ حابارلاۋىنشا بۇل تۋرالى بۇگىن قالالىق ءبىلىم باسقارماسى باسشىسىنىڭ ورىنباسارى قاسىمحان سەنعازييەۆ ايتقان.
«جىل سوڭىنا دەيىن سەگىز مەكتەپ اشۋ جوسپارلانۋدا. نەگىزى توعىز مەكتەپ جوسپارلانعان بولاتىن. ونىڭ بىرەۋى جۋىردا اشىلىپ قويدى. ەندى 1 قىركۇيەكتە تاعى ءبىر مەكتەپ قولدانىسقا بەرىلەدى. ال قىركۇيەك ايىنىڭ سوڭىنا دەيىن تاعى 4 مەكتەپتى ءبىتىرۋ جوسپارلانعان. ولاردىڭ دەنى سول جاعالاۋدا جانە ءبىر مەكتەپ س. سەيفۋللين كوشەسىندە ورنالاسقان»، - دەگەن ءوز سوزىندە ق.سەنعازييەۆ.
ونىڭ ايتۋىنشا، 1 قىركۇيەككە جوسپارلانعان نىسان 100 پايىز دايىن تۇر. قولدانىسقا بەرىلەتىن 8 مەكتەپتىڭ ءار قايسىسى 1200 ورىنعا ارنالعان.
قامشى-اقپارات
