تۇركىمەنستان  ۇكىمەتى اشعابات قالاسىندا ارقاداعقا (تۇركىمەنستان پرەزيدەنتىنىڭ رەسمي تيتۋلى – جەبەۋشى) ەسكەرتكىش ورناتۋعا رۇقسات سۇراپ پرەزيدەنتكە ءوتىنىش جاساعان. پرەزيدەنت گۋربانگۋلى بەردىمۇحامەدوۆكە بۇل «حالىقتىڭ ءوز باستاماسى» دەپ تۇسىندىرگەن. ال «حالىق تىلەگى – زاڭ» دەپ مالىمدەگەن تۇركىمەنستان پرەزيدەنتى ەسكەرتكىش ورناتۋ يدەياسىن ماقۇلدادى.  ازاتتىق راديوسى جازۋىنشا بۇكىل ەلدەگى مەكەمە، ۇيىمداردا جينالىس ءوتىپ، جۇرت مونۋمەنت ورناتۋ باستاماسىن جاپپاي «قولداعان».

بۇل – گۋربانگۋلى بەردىمۇحامەدوۆكە ورناتىلاتىن تۇڭعىش ەسكەرتكىش بولماق. تۇركىمەنستان كونستيتۋسياسىندا پرەزيدەنت بولىپ قانشا سايلانسا دا شەكتەۋ قويىلماعان. گۋربانگۋلى بەردىمۇحامەدوۆ پرەزيدەنتتىككە ەكى مارتە سايلانعان. ول بيلىككە 2006 جىلى بۇرىنعى پرەزيدەنت، ءوزىمشىل ءارى پاڭ ءامىرشى دەگەن اتى شىققان ساپارمۇرات نيازوۆ قايتىس بولعان سوڭ كەلگەن.

بەردىمۇحامەدوۆ بۇرىنعى باسشىنىڭ اتىمەن بايلانىستى نارسەنىڭ ءبارىن، ءتىپتى نيازوۆتىڭ التىننان سومدالعان ەسكەرتكىشىن دە جويدى. ءبىراق تۇركىمەنستاندا «جەكە باسقا تابىنۋ» ءداستۇرى ساقتالىپ قالدى. ەندى تۇركىمەنستاندا گۋربانگۋلى بەردىمۇحامەدوۆتىڭ ەسىمى دارىپتەلەتىن بولدى.

قامشى-اقپارات