امەريكالىق Apple كومپانياسىنىڭ جاڭا iPhone 6 سمارتفونىن تانىستىرۋ باسپا ءسوز كونفەرەنسياسى 9 قىركۇيەكتە وتەدى. بۇل تۋرالى «الما» ونىمدەرى جايلى سەنىمدى اقپاراتتى ءداستۇرلى تۇردە جەتكىزۋشى Recode سايتى حابارلاعان.
قازاقپاراتتىڭ جازۋىنشا وسىعان دەيىن سايت سمارتفوننىڭ 16 قىركۇيەك كۇنى تانىستىرىلاتىنىن جانە ساتىلىمعا 14 قازاندا شىعاتىنىن مالىمدەگەن بولاتىن. دەرەك كوزدەرى ازىرگە Apple-دىڭ قىركۇيەك ايىندا اپپاراتتىڭ بىردەن ەكى نۇسقاسىن - 4،7 جانە 5،5 ديۋيم ەكراندى نۇسقالارىن تانىستىرادى دەگەن اقپاراتتى تاراتپاي وتىر.
ساراپشىلاردىڭ پىكىرىنشە، جاڭا iPhone-نىڭ 13 مەگاپيكسەلدى كامەراسى، ەكى يادرولى ا8 پروسەسسورى بولادى جانە iPhone 6-نىڭ سىنبايتىن شىنىمەن جابدىقتالعان. ول جاقۇت كريستاللدارىن قولدانۋ ارقىلى جاساعان.
Apple كومپانياسىنىڭ وكىلدەرى ءداستۇرلى تۇردە دايىندالىپ جاتقان شارانىڭ ەگجەي-تەگجەيىن سوڭعى سەكۋندتارعا دەيىن قۇپيا ساقتاماق. ازىرگە ەشكىم كورپوراسيانىڭ نەنى كورسەتەتىنىن ناقتى ايتا المايدى. وسىعان دەيىن اتالمىش تەلەفون قولدانىسقا ەنەر بولسا عىلىم-تەحنيكاعا ريەۆوليۋسيا جاسالادى دەگەن پىكىرلەر ايتىلعان بولاتىن.
قامشى-اقپارات
