بيلىك حالىقتان ەشقاشان بيىك بولعان ەمەس. حالىق بۇرق ەتسە، قىزمەت پەن اقشانىڭ بۋىنا ىسىپ-كەۋىپ جۇرگەن "بال-قايماق" توپتىڭ باسىنان ب ا ق تايىپ، تۋ-تالاقايى شىعارى انىق قوي... بىزدەگى كەۋدەسىنە نان پىسكەن كەيبىر شەنەۋنىكتەردىڭ پرەزيدەنت الدىنداعى تۇرلەرىنە قاراپ، اياپ كەتەدى ەكەنسىڭ ءتايىرى... اسىرەسە، كەشەگىدەي جينالىستاردا سوندايلاردىڭ سىرتىنان باقىلاعان قىزىق. جان-جاعىنا الاق-جۇلاق ەتىپ، كوزدەرى ءۇڭىرەيىپ، جۇندەرى جىعىلىپ، قولعا تۇسكەن تورعايداي موپ-موماقان بولا قالعانىن كورگەندە، ەرىكسىز جاعاڭىزدى ۇستايسىز. پرەزيدەنت بىردەڭە سۇراي قالسا، نە ايتىپ تۇرعانىن وزدەرى بىلمەي، ساندىراقتاپ-شاتىسىپ، شيق-شيق ەتە تۇسەتىنىن ايتساڭىزشى... ال جيىن ءبىتىپ، اقوردانىڭ سىرتقى ەسىگىن جاۋىپ، ءبىر ادىم العا باسقانى سول، الگى تەرىسىنە دەيىن جيىرىلعان تورعايىمىز سول مەزەت تورعايدان ارىستانعا اينالىپ، قاھارلى كوزىمەن سىرتقا ءبىر كوز تاستاپ، ميىعىنان مىرس كۇلىپ، پاڭدانا ماڭ-ماڭ باسىپ، بۇل الەمگە "سىيماي" كولىگىنە ەنىپ بارا جاتادى....

دينا تۇلەكوۆانىڭ “Facebook” الەۋمەتتىك جەلىدەگى پاراقشاسىنان.