قىتايداعى قانداستارىمىز اراسىنان شىققان قازاقتىڭ ارۋ قىزى ريزا ءالىمجاننىڭ ەسىمى كەشەلى بەرى قازاقستاندىق اقپارات كەڭىستىگىندە كەڭىنەن تارادى. ول 1986 جىلى 15 شىلدەدە بەيجىڭ قالاسىندا دۇنيەگە كەلگەن. ريزانىڭ اكەسى بۇراتالا قالاسىنىڭ تۋماسى ءالىمجان نۇرعازى ۇلى مەن اناسى زايىمحان بەيجىڭ قالاسىنداعى ورتالىق ۇلتتار باسپاسىنىڭ قازاق رەداكسياسىندا جۇمىس ىستەيدى. ريزا ورتا مەكتەپ وقىپ جۇرگەن كەزىنەن-اق سانگەر رەتىندە جۇرت كوزىنە تۇسە باستاعان. ريزانىڭ ءحوببيى - ءان ايتۋ، ساياحاتقا شىعۋ، كىتاپ وقۋ.

15 جاسىنان باستاپ تانىمال بولا باستاعان ريزا ەڭ جاس سانبيكە رەتىندە اتاقتى ءسان تۋرالى «Ruili» جۋرنالىنىڭ العاشقى بەتتەرىنە بىرنەشە رەت شىققان. بۇعان دەيىن ول «سوقىر كينو»، «ۇلكەن شايقاس»، «ساتتىلىك كەلە جاتىر»، «جەن حۋان چۋان عيباداتحاناسى» سياقتى تاعى دا باسقا فيلمدەرگە تۇسكەن. Massaget.kz سايتىنىڭ حابارلاۋىنشا ريزا ءقازىر «ءبىز عانا بىلەتىن مەكەن» («Somewhere Only We Know») اتتى تۋىندىدا باستى رولدەردىڭ ءبىرىن سومداۋدا.

سوڭعى اپتادا ەكى بىردەي قازاقتىڭ قىزى الەمدى سۇلۋلىعىنا تامساندىردى. قازاقستان قىزدار  اراسىنداعى ۆولەيبول قۇراماسىندا وينايتىن جالعىز قازاق قىزى 17 جاستاعى سابينا التىنبەكوۆا مەن قاتار ريزانىڭ ەسىمى دە اتالىپ، الەمگە قازاق قىزدارى سۇلۋ ەكەنىن تاعى دا ءبىر پاش ەتتى. ارۋ قىزدارىمىزعا جەڭىستەر مەن بيىك بەلەستەر تىلەپ، قازاقتىڭ ماقتانىشى بولىپ جۇرە بەرسە ەكەن دەيمىز!

 “قامشى” سىلتەيدى