كرەملدىڭ باسپا ءسوز قىزمەتى رەسەي پرەزيدەنتى ۆلاديمير ءپۋتيننىڭ قازاقستان جانە بەلارۋس پرەزيدەنتتەرى نۇرسۇلتان نازاربايەۆ جانە الەكساندر لۋكاشەنكومەن تەلەفون ارقىلى سويلەسكەنىن، وندا پرەزيدەنتتەر ەۋرازيا ەكونوميكالىق وداعىنىڭ ينتەگراسيالىق ىنتىماقتاستىعى ماسەلەلەرىن ءسوز ەتكەنىن ايتقان. بۇل تۋرالى ازاتتىق راديوسى حابارلادى. ولار ماسكەۋدىڭ رەسەيگە اقش پەن ەۋروپا وداعىنان جانە تاعى بىرنەشە ەلدەن ازىق-تۇلىك پەن شيكىزات ونىمدەرىن اكەلۋگە شەكتەۋ قويۋ شەشىمىنە قاتىستى ساۋدا-ەكونوميكالىق سالاسىن ۇيلەستىرۋ جايىن دا تالقىلاعان.
اڭگىمە بارىسىندا ۋكراينا داعدارىسى دا ءسوز بولعان. ءۇش ەل پرەزيدەنتتەرى ول مەملەكەتتەگى قاقتىعىستى توقتاتىپ، ەل ىشىندە ديالوگ ورناتۋ ءۇشىن بىرلەسە جۇمىس ىستەۋ كەرەك دەپ تاۋىپتى.
قامشى-اقپارات
