كۋردتەر باراك وبامانىڭ "كومەگىن" قۋانا قابىلدادى

    Bilal Quanysh
    كۋردتەر باراك وبامانىڭ "كومەگىن" قۋانا قابىلدادى

    «يراك جانە كۋردتىك بيلىك تاراپى اق ءۇيدىڭ يراكتاعى راديكال كۇشتەردى تىزگىندەۋ ءۇشىن اۋەشابۋىلدىق كومەك بەرۋ تۋرالى جۇما كۇنگى شەشىمىن قۋانا قابىلدادى»،- دەيدى NBC News 8 تامىزداعى اقپاراتىندا. يراقتاعى كۋرد اۆتونومياسىنىڭ ءدىن ىستەرى جونىندەگى ءمينيسترى حاليد دجامال البەر راديكال كۇشتەر جاعىنىڭ قورشاۋىمەن تاۋ باسىندا قامالىپ، اشتىقتا قالعاندارعا اقش تاراپىنىڭ اۋەدەن ازىق-تۇلىك پەن سۋ جىبەرىپ بەرۋلەرىنە العىستارىن ءبىلدىردى. «ءبىز باراك وباماعا راحمەت ايتامىز»،-دەيدى ول. «جۇماداعى مالىمەتتەر بويىنشا، يراك جانە شام يسلام مەملەكەتى(يشيم، ISIS) اتالعان راديكال كۇشتەر ءۇش نەمەسە ودان دا كوپ قالاشىقتى باسىپ العانى ءمالىم»،- دەيدى NBC News. قۋاتتانىپ كەلە جاتقان يراك جانە ءال-شام يسلام مەملەكەتى مەن ونىڭ وداقتاستارى اۋماقتاعى ازشىلىق توپتاردى قىرعىنداپ، اسقىنعان گۋمانيتارلىق داعدارىس تۋىنداتتى.

    ال، امەريكا تاراپ بۇل كومەك بەرۋ وپەراسياسى جايىندا: «اقش ۇشاقتارى اشتىقتا قالعاندارعا سۋ مەن ازىق-تۇلىكتەردى تابىستى تۇردە جەتكىزىپ، قاتەرلى اۋماقتان ءقاۋىپسىز قايتىپ ورالدى»،- دەپ اقپارات تاراتتى.

    سانات ناققازاق

    قاتىستى ماقالالار