موناكودا الەمدەگى ميلليونەرلەردىڭ ەڭ ۇلكەن كونسەنتراسياسى بايقالۋدا. ستاتيستيكا بويىنشا، مۇندا ءاربىر ءۇشىنشى تۇرعىننىڭ جاعدايى ايتارلىقتاي باقۋاتتى، دەپ حابارلادى قازاقپارات.
موناكوداعى بايلاردىڭ سانى ءاربىر شارشى مەتردە ءتىپتى ءىرى قارجىلىق استانالار سيۋريح، جەنيەۆا جانە نيۋ-يوركتەگى ۇقساس كورسەتكىشتەن اسادى. پاريج بۇل رەيتينگتە 20-ورىندا. ساراپشىلار اۋقاتتى ادامداردىڭ مۇنداي كونسەنتراسيانىڭ ءبىر جەردە بولۋى كەزدەيسوقتىق ەمەس ەكەنىن ايتۋدا. بايلار وزدەرى ءۇشىن ەڭ ءتيىمدى قارجىلىق شارتتارى بار ەلدى ىزدەيدى. سونداي-اق ، بۇل ەلدى تاڭداۋدىڭ باستى سەبەپتەرى ءتيىمدى سالىق ساياساتى مەن ونىڭ گەوگرافيالىق ورنى دەپ سانايدى ساراپشىلار.
ەستەرىڭىزگە سالساق، موناكو كنيازدىعى – وڭتۇستىك ەۋروپادا، جەرورتا تەڭىزىنىڭ جاعالاۋىنا ورنالاسقان شاعىن مەملەكەت. جەر اۋماعى 1950 كم2. حالقى 33 مىڭ (2001). ەتنوستىق قۇرامىنىڭ 47%-ىن فرانسۋزدار، 16%-ىن يتاليالىقتار، 16%-ىن موناكولىقتار (بايىرعى تۇرعىندارى)، ت.ب. قۇرايدى. موناكو 4 شاعىن قالا-وكرۋگتەردەن: موناكو-ۆيل (استانا)، ليا كوندامين، مونتە-كارلو مەن فونتۆەللدەن قۇرالادى. رەسمي ءتىلى – فرانسۋز ءتىلى. حالقىنىڭ 96%-ى حريستيان-كاتوليكتەر.موناكو 1993 جىلدان بۇۇ-عا مۇشە. اقشا بىرلىگى – ەۋرو.
قامشى-اقپارات
