قازاقستان پرەزيدەنتى نۇرسۇلتان نازاربايەۆ قورعانىس ءمينيسترى سەرىك احمەتوۆتى قابىلدادى، دەپ حابارلايدى Tengrinews.kz
كەزدەسۋ بارىسىندا نازاربايەۆ وق-دارىلەردى قازاقستاندىق كاسىپورىنداردا ءوندىرۋ ماسەلەسىنە كوڭىل ءبولۋ كەرەكتىگىن ايتقان. ەلباسى سونداي-اق، اسكەري تەحنيكالار مەن قارۋلاردى سەنىمدى ءوندىرىس ورىندارىنان ساتىپ الۋ كەرەكتىگىنە دە توقتالىپ، ەلىمىزدەگى ءقورعانىس-وندىرىس كەشەندەرىن دامىتۋدى قولعا الۋ كەرەگىن دە ەسكەرتكەن.
ەلباسى قابىلداۋىندا بولعان سەرىك احمەتوۆ بولسا قارۋلى كۇشتەردىڭ ءار ۋاقىتتا ساقاداي ساي، دايىن بولىپ تۇرۋ ءۇشىن جۇيەلى جۇمىستار جۇرگىزىلىپ وتىرعانىن، اسكەريلەردىڭ تاجىريبە نەگىزىندە شىڭدالىپ، ولاردىڭ دايىندىعىن كوتەرۋدە ءتۇرلى شارالاردىڭ ۇيىمداستىرىلىپ جاتقانىن ءمالىم ەتتى. ونىڭ سوزىنشە ەل اسكەرىنىڭ زاماناۋي قارۋلار مەن اسكەري تەحنيكا تۇرلەرىمەن جاراقتاندىرىلىپ جاتىر.
كەزدەسۋ سوڭىندا مەملەكەت باسشىسى سالا جەتەكشىسىنە ءبىرقاتار ناقتى تاپسىرمالار بەردى.
قامشى-اقپارات
