قاراساي شەكارا وتريادىنىڭ (الماتى وبلىسى) شەكاراشىلارى قىزمەت بارىسىندا قازاقستان رەسپۋبليكاسىنىڭ اۋماعىندا جۇرگەن ءۇش سالت اتتىنى بايقايدى. ۇستاۋ كەزىندە بەلگىسىز ادامدار شەكاراشىلاردىڭ توقتاۋ تۋرالى تالابىنا قۇلاق اسپاستان، قارسىلىق كورسەتىپ، اڭشىلىق مىلتىعىنان شەكارا ناريادىنا قاراتىپ 5 رەت وق اتىپ، وزدەرى قاشىپ قۇتىلۋعا تىرىسقان. بۇل تۋرالى Baq.kz ق ر ۇقك شەكارا قىزمەتىنىڭ باسپا ءسوز قىزمەتىنە سىلتەمە جاساپ حابارلادى. 

شەكارا ناريادىنىڭ دا امالسىزدان قارۋ قولدانۋىنا تۋرا كەلىپ، 1 رەت اسپانعا، سودان كەيىن شەكارا بۇزۋشىلارعا قاراتىپ 2 رەت وق اتقان. اتىس كەزىندە زارداپ شەگۋشىلەر جوق. قىرعىز رەسپۋبليكاسىنىڭ ەكى ازاماتى ۇستالىپ، بىرەۋى كورشىلەس مەملەكەتتىڭ اۋماعىنا قاراي قاشىپ كەتىپتى. ۇستالعاندار قىرعىز ەلىنىڭ مالشىلارى ەكەن. ولار دارىلىك شوپتەردى جيناۋعا كەلگەن. تەكسەرە كەلگەندە ولاردان وپتيكالىق كوزدەگىشى بار ۇساق ۇڭعىلى مىلتىق، ءدۇردى تابىلدى. اتالعان دەرەك بويىنشا قۇقىق قورعاۋ ورگاندارى  تەرگەۋ امالدارى جۇرگىزۋدە.

قامشى-اقپارات