بەلگىلى ورىس جازۋشىسى دميتريي بىكوۆ ءوز ەلىنىڭ (رەسەيدىڭ) ۋكرايناعا قاتىستى ۇستانعان ساياساتىن قاتتى سىناپ، باس كوتەرگەن مادەنيەت قايراتكەرلەرى تىزىمىنە ەنەدى. بۇل تۋرالى الاش ايناسى گازەتى جازعان.
تاياۋدا ول ورىس زيالى قاۋىمى وتكىزگەن "سوعىسقا، رەسەيدىڭ وقشاۋلانۋىنا جانە ءتوتاليتاريزمدى اسپەتتەۋگە قارسى" كونگرەسىندە العاشقىلاردىڭ ءبىرى بوپ ءسوز الىپ: "قۇرمەتتى زامانداستار! ءوز كونگرەسىنە جينالعان ورىستىڭ زيالى قاۋىمى ءوز بيلىگىنە ءسوز ايتۋدىڭ ءمانى جوق ەكەنىن جاقسى ۇعىنىپ وتىر. بيلىك باياعىدان تىڭداعىسى كەلەتىنىن عانا تىڭدايدى. ءبىراق سىرتقى ەكسپانسياسىن دوعارۋ تۋرالى جىلت ەتكەن وي دا ەندى ولارعا جەتكىلىكسىز: رەسەي قانداي دا ءبىر سىرتقى قارا كۇشتىڭ ەمەس، ىشتەگى بيلىككە ۇمتىلعانداردىڭ، ونى ساقتاپ قالعىسى كەلەتىندەردىڭ قوسقان پروسەسىنە ىلىگىپ كەتىپ وتىر. اسقىنعان سىرقاتپەن كۇرەسۋ نەمەسە تاريحتىڭ دەگەنىنە كونبەۋ ماعىناسىز نارسە.
شەشىلمەگەن تاۋداي ماسەلەلەر، زەرتتەلمەگەن قاراما-قايشى دۇنيەلەر جانە اقىرى جىبەرىپ العان مۇمكىندىگىمىز ورنىنان قوزعالا باستادى. ەگەر تاعدىرىن شەشۋگە بيلىكتىڭ نەمەسە حالىقتىڭ ءوز كۇشى جەتپەسە، وندا ونى تاريح جاسايدى. ءبىزدىڭ جانە بىزبەن بىرگە قالعان الەمنىڭ تاريحتان تىس ەكى رەتتىك ونداعان جىلداردان سوڭعى ومىرىندە ءبارىمىز تاريحتىڭ ىشىندە جۇرمەكپىز.
باق-تاعى، بلوگتاعى جانە جەكەلەگەن ادامداردىڭ باسىن جايلاعان شوۆينيستىك ۇستاما ەشكىمدى ۇركىتىپ-قورقىتپاۋى ءتيىس. سوعىسقا قارسىلاردى بۇگىن ساتقىندار، باتىستىڭ جالدامالىلارى جانە بەسىنشى كولوننا دەپ اتار. رەسەي ۇنەمى "جۇكتى" بولعان اگرەسسيۆتىك ۇلتشىلدىق كەزەڭىنەن ءوتىپ جاتىر، ءبىراق جۇكتىلىك ءومىر باقيلىق پروسەسس ەمەس قوي. مۇندايدى كەز كەلگەن ۇلت باسىنان وتكەرۋى ءتيىس سەكىلدى. بۇل ارادا ماسەلە تالقىسى باسقادا: بۇل وعان نە بەرەدى؟
اگرەسسيۆتى ۇلتشىلدىقپەن كۇرەس تاجىريبەسىسىز ەشقانداي دا ۇلت ساۋ نەمەسە تولىققاندى بولا المايدى. سوندىقتان بۇل تولعاقتى ماڭگىگە شەگەرە بەرۋگە بولمايدى. ءبىر رەت كۇيۋ كەرەك، ءسويتىپ ونى قايتالامايتىنداي بولۋ قاجەت. الدىمىزدا قانداي دا ءبىر سانكسيالار توقتاتا المايتىن، اينىپ تا قالا المايتىن اگرەسسيا تاجىريبەسى ءبىزدى كۇتىپ تۇر.
كوپشىلىك ءۇشىن بۇل اۆانتيۋريزم جانە حالىقارالىق قۇقىقتى كۇشتەۋ بوپ كورىنبەيدى، كەرىسىنشە ونى ەڭ مىقتىعا بەرىلەتىن قۇقىققا ورالۋ دەپ كورەدى. قالاي دەگەنمەن دە وسىنى باستان وتكەرۋ كەرەك. ءوزىنىڭ ىشكى كۇيىگى مەن يمپەريالىق ۇياتىن جەڭە الماعان حالىق ماڭگىگە بالا بوپ قالا بەرەدى"، - دەگەن.
قامشى-اقپارات
