رەسەي مەن ۋكراينا پرەزيدەنتتەرى ۆلاديمير پۋتين مەن پەتر پوروشەنكو 26 تامىزدا مينسكىدە كەزدەسەدى دەپ حابارلادى ازاتتىق راديوسى سايتى. بالارۋس سىرتقى ىستەر مينيسترلىگىنىڭ باسپا ءسوز حاتشىسى دميتريي ميرونچيك مالىمدەگەن بۇل اقپاراتتى رەسەي جانە ۋكراينا پرەزيدەنتتەرىنىڭ باسپا ءسوز قىزمەتتەرى دە راستاعان.
پۋتين مەن پوروشەنكو مينسكىگە كەدەن وداعى ەلدەرى باسشىلارىنىڭ كەزدەسۋىنە بارادى. ول جيىنعا ەۋروپا وداعىنىڭ وكىلدەرى دە قاتىسپاق. شىعىس ۋكرايناداعى "جاعدايدى تۇراقتاندىرۋ" كەزدەسۋدە ءسوز ەتەتىن ماسەلەلەردىڭ ءبىرى بولۋى مۇمكىن. ۋكراينانىڭ شىعىسىنداعى سەپاراتيستەر مەن ۇكىمەت اسكەرى اراسىندا قاقتىعىستار ءجيى بولىپ، وڭىردە بەيبىت تۇرعىندار قازا تاۋىپ جاتىر.
قامشى-اقپارات
