قازاقستان پارلامەنتى سەناتىنىڭ سپيكەرى قاسىمجومارت توقايەۆ پەن ۇلىبريتانيانىڭ قازاقستانداعى ەلشىسى كەرولين براۋن كەزدەستى. بۇل تۋرالى ازاتتىق راديوسى جازدى. سەناتتىڭ رەسمي سايتىنىڭ حابارلاۋىنشا، كەزدەسۋدە توقايەۆ ەكى ەل پارلامەنتارييلەرى جانە ەقىۇ پارلامەنتتىك اسسامبلەياسى اراسىنداعى بايلانىستى ارى قاراي دامىتۋ جايىن ايتقان.
سپيكەر مەن ەلشى بۇعان قوسا حالىقارالىق جاعداي جايلى، ونىڭ ىشىندە ۋكراينا داعدارىسى تۋرالى دا پىكىر الماسىپتى. كەرولين براۋن ۋكرايناداعى قاقتىعىستاردىڭ شيەلەنىسۋىنە الاڭدايتىنىن ايتقان. ال قاسىمجومارت توقايەۆ قازاقستان پرەزيدەنتى نۇرسۇلتان نازاربايەۆتىڭ ۋكراين داعدارىسىنان شىعۋ جولدارىن "بەلسەندى قاراستىرىپ جاتقانىن" مالىمدەدى.
قامشى-اقپارات
