ريم پاپاسى فرانسيسك العاش رەت ءوزىنىڭ ءولىمى جايىندا كوپشىلىك الدىندا ءسوز قوزعادى. Baq.kzء-تىڭ حابارلاۋىنشا، پونتيفيك جۋرناليستەرگە بەرگەن سۇحباتىندا 2-3 جىل كولەمىندە دۇنيە سالاتىنىن ايتقان. 

وڭتۇستىك كورەيادان ۆاتيكانعا قايتقان ساپارىندا ريم پاپاسى ۇشاقتا وتىرىپ تىلشىلەرمەن اڭگىمەلەسكەن. اتاق-ابىرويعا بايلانىستى قويىلعان سۇراققا 77 جاستاعى ءدىن وكىلى: "مەن ناپسىمە ەرىك بەرمەس ءۇشىن ءوزىمنىڭ ومىردە جاساعان قاتەلىكتەرىمدى، كۇنالارىمدى ءجيى ويلايمىن. ويتكەنى، اتاق پەن ابىرويدىڭ ۋاقىتشا ەكەنى بەلگىلى. ەندى ەكى-ۇش جىلدان كەيىن مەن ارعى دۇنيەگە اتتانامىن" دەگەن. ول سونداي-اق، وزىنە جۇكتەلگەن مىندەتتەردى ورىنداۋعا شاماسى كەلمەگەن جاعدايدا تاقتان باس تارتاتىنىن مالىمدەدى. 

ايتا كەتەتىن بولساق، ريم پاپاسى ۆاتيكاننىڭ بيلەۋشىسى. ۆاتيكان ەۋروپادا ورنالىسقان، ءبىر قالادان تۇراتىن الەمدەگى ەڭ كىشكەنتاي ەل. ريم كاتوليك شىركەۋىنىڭ ورتالىعى بولىپ تابىلادى.  ۆاتيكان قالا-مەملەكەتى – كاتوليك شىركەۋىنىڭ ورتالىعى عانا ەمەس ريم پاپاسى ورنالاسقان مەكەن. ۆاتيكان ازاماتتىعىن تەك جەتى جۇزدەي ادام عانا العان. رەسمي تىلدەرى: لاتىن جانە يتاليان تىلدەرى. ۆاتيكان – ءابسوليۋتتى تەوكراتيالىق مونارحيا. مەملەكەت باسشىسى – ريم پاپاسى. ونىڭ قولىندا بارلىق بيلىك (زاڭ شىعارۋ، اتقارۋ، سوت تورەلىگى) شوعىرلانعان. بۇعان قوسا ريم پاپاسى سىرتقى ەلدەرمەن قارىم-قاتىناستى دا جەكە ءوزى شەشەدى. 

قامشى-اقپارات