كەشە الماتىدا ۇستازداردىڭ ءداستۇرلى تامىز كونفەرەنسياسى وتكەنىن كوردىم تەلەديداردان. جيىندا ەلىمىزدىڭ باس ۇستازى اسلان ءسارىنجىپوۆ مىرزا ورىسشا بايانداما جاسادى. ول بايانداماسىن وقي باستاعاندا "ءاي، ورىسقۇل، بايانداماڭدى نەگە قازاقشا جاسامايسىڭ؟" دەگەندەي جارىق ءسونىپ قالدى دا، مينيستر قاراڭعىلىقتا قالىپ قويدى. بۇل اللانىڭ ەسكەرتۋى شىعار! سودان كەيىن ءسوز العان الماتى قالاسىنىڭ اكىمى احمەتجان ەسىموۆ تە تەك ورىسشا گاپىردى. ءبىلىم ءمينيسترىن قوشتاپ-قولپاشتاماق بولعان اكىمنىڭ ءسوزىن دە تەحنيكالىق اقاۋ ءبولىپ جىبەردى.وعان دا "ءاي، جەتەسىز، سەن نەگە قازاقشا سويلەمەيسىڭ؟" دەپ ەسكەرتكەنى بولار!.. ال ءماسليحاتقا جينالعانداردىڭ باسىم كوپشىلىگى قازاقتار. ەندەشە نەگە اكىم مەن مينيستر ورىسشا سويلەيدى؟ وسىنى تۇسىنە الماي-اق قويدىم! اۋ، قازاق ءتىلى مەملەكەتتىك ءتىل ەمەس پە؟ قازاق تىلىندە بايانداما جاساپ، قازاقشا سويلەسە، ميلارىنا زاقىم كەلە مە؟ ال ءبىز تاعى ءبىر مارتە جەر بولدىق، قورلاندىق! بۇل جامان ءۇردىس قاشانعا دەيىن جالعاسادى ەكەن؟ تاۋەلسىز قازاق ەلىنىڭ مينيسترلەرى مەن اكىمدەرى قاشان قازاق تىلىندە بايانداما جاساپ، قازاقشا سويلەيدى ەكەن؟ بۇل بولمايدى! نە ىستەۋ كەرەك؟
دۋمان رامازاننىڭ الەۋمەتتىك جەلىدەگى پاراقشاسىنان.
“قامشى” سىلتەيدى
