"بەلارۋس رەسپۋبليكاسىنىڭ دامۋ بانكى" ااق بەلارۋس ەلىندە قۇراستىرىلعان Geely كولىگىن قازاقستاندىق نارىققا جەتكىزۋدە "بەلدجي" جاق ەسەپ ايىرىسۋ ءۇشىن $10،9 ملن. سوماسىنا "ۆيراج" ج ش س (قازاقستان) ەكسپورتتىق نەسيە جەلىسىن اشتى. بۇل تۋرالى قازاقپارات جازدى.
نەسيەلىك جەلى "بەلەكسيمگارانتا" ساقتاندىرۋىنىڭ نەگىزىندە 1 جىلعا 1،9% جىلدىق پايىزدىق مولشەرلەمەمەن اشىلدى. جوبا بويىنشا وسى ايدا $11،5 ملن. سوماعا ءتۇرلى مودەلدەگى 883 ءاۆتوموبيلدى جونەلتۋ كوزدەلگەن. بۇگىندە بەلارۋستىك ءوندىرۋشى سوماسى $8 ملن. بولاتىن كولىكتەردى "ۆيراج" جشس-نە جەتكىزىپ ۇلگەرگەن.
ەسكە سالاتىن بولساق، Geely قىتايدىڭ ون ءىرى اۆتو كومپانياسىنىڭ ءبىرى بولىپ سانالادى. ىرگەسى 1986 جىلى قالانعان.
قامشى-اقپارات
