بوستونداعى لاڭكەستىك ارەكەتكە قاتىستى ايعاقتاردى جويعان دەپ ايىپتالعان دياس قادىربايەۆ سوتتا ءوزىنىڭ كىناسىن مويىنداۋعا كەلىستى. بۇل تۋرالى Baq.kz جازدى.
ءبىراق، قورعاۋشى روبەرت ستالدىڭ مالىمدەۋىنشە، قادىربايەۆتىڭ وزىنە تاعىلعان ناقتى قانداي ايىپ بويىنشا كىناسىن موينىنا الاتىنى بەلگىسىز. ەستەرىڭىزگە سالا كەتسەك، وعان اتالعان قىلمىستىق ءىستىڭ ايعاقتارىن جويۋ ءۇشىن ءسوز بايلاسقان دەگەن ايىپ تا تاعىلعان ەدى. قادىربايەۆ تەرگەۋمەن كەلىسىمگە جەتۋگە بەل بايلاعان سىڭايلى. سەبەبى، اقش زاڭدارى بويىنشا، ەگەر ايىپتالۋشى سوتتا كىناسىن مويىنداسا، اتالعان كەلىسىمگە سايكەس ونىڭ جازاسى جۇمسارتىلۋى مۇمكىن. قادىربايەۆتىڭ ءىسىن سوتتا قاراۋ 8 قىركۇيەككە بەلگىلەنگەن.
قامشى-اقپارات
