ايگىلى اكتەر دجەكي چان ۇلى دجەسسيدىڭ ارەكەتى ءۇشىن جالپاق جۇرتتان كەشىرىم سۇراعان، بۇل تۋرالى قازاقپارات جازدى. «مەن بالامدى تاربيەلەيتىندەي كۇيدە ەمەسپىن، سول ءۇشىن دە كىنالىمىن. جاۋاپكەرشىلىگىن بىرگە ارقالاۋىم كەرەك. دجەيسي ەكەۋىمىز بارلىعىڭىزدان كەشىرىم سۇرايمىز»، - دەگەن كوپتىڭ سۇيىكتى اكتەرى چان. ول سونداي-اق بالاسى تۋرالى جاعىمسىز جاڭالىقتى ەستىگەندە تۇسىنە الماي دال بولعانىن، ال شەشەسىنىڭ جۇرەگى قارس ايىرىلعانىن دا وكىنە جەتكىزگەن. ءارى بالامنىڭ باسىنداعى جاعدايدان بارلىق ءجاسوسپىرىمدى  ساباق بولۋعا شاقىرعان.

ەسكە سالاتىن بولساق، دجەكي چاننىڭ 31 جاستاعى ۇلى دجەيسي چان بەيجىڭدە تايۆاندىق اكتەر كاي كو ەكەۋى ەسىرتىمەن ۇستالعان ەدى. ونىڭ پاتەرىن تەكسەرگەندە تاعى دا 100 گرامم ماريحۋانا تابىلعان. ەندى ولار 3 جىلعا دەيىن باس بوستاندىعىنان ايىرىلۋى مۇمكىن. 

قامشى-اقپارات