اقش بيلىگى «بوستونداعى (ماسساچۋسەتس شتاتى) لاڭكەستىك اكتىنى تەرگەۋگە كەدەرگى جاسادى دەپ ايىپتاعان قازاقستاندىق ستۋدەنت دياس قادىربايەۆ تەرگەۋمەن مامىلەگە كەلىپ، ءوزىنىڭ كىناسىن مويىندادى»، - دەپ حابار تاراتقان، بۇل تۋرالى قازاقپارات جازدى.

پروكۋراتۋرا وكىلدەرى كەلىسىم شارتتارىنا سايكەس قادىربايەۆ جەتى جىلدان اسپايتىن مەرزىمگە تۇرمەگە قامالۋى مۇمكىن، دەگەنمەن ونىڭ ادۆوكاتتارى وزدەرىنىڭ قورعاۋىنداعى ادامنىڭ جازاسىن بۇدان دا جەڭىلدەتۋىنە  قول جەتكىزۋى مۇمكىندىگىن ايتقان. الايدا ايىپتالۋشى قادىربايەۆتىڭ ءىسى بويىنشا ناقتى  ۇكىم 18 قاراشادا جاريالانباق.

ەسكە سالا كەتسەك، اقش بيلىگى بوستون لاڭكەستىك اكتىسىن جاساۋعا ايىپتالعان  دجوحار سارنايەۆتى بىلەتىن قادىربايەۆ جانە قازاقستاننان تاعى ءبىر ستۋدەنت ازامات ءتاجاياقوۆ  جارىلىستان ءۇش كۇن وتكەن سوڭ ونىڭ پريروتەحنيكا سالىنعان سومكەسىن جانە نوتبۋكتى جويعان دەپ ايىپ تاققان بولاتىن. بۇل لاڭكەستىك اكتىنى تەرگەۋ ءىسىن ەداۋىر قيىنداتتى. ايىپتاۋشى تاراپ قازاقستاندىق ستۋدەنتتەر بۇنى دجوحار سارنايەۆ پەن ونىڭ اعاسى تامەرلاننىڭ سۋرەتتەرىن جاڭالىقتاردان كورگەننەن كەيىن جاسادى دەپ پايىمدالۋدا. ياعني قازاق ستۋدەنتتەرىن سارنايەۆ ىسىنە قولعابىس تيگىزبەك بولعان دەپ سانايدى. داۋدىڭ باسى بوعان بوستون مارافونىنداعى لاڭكەستىك تۋرالى ايتا كەتسەك، 2013 جىلعى 15 ساۋىردە بوستوننىڭ ورتالىعىندا ءوتىپ جاتقان ءداستۇرلى مارافوننىڭ مارەسىنە جاقىن ماڭدا اراسىنا 12 سەكۋند سالىنىپ، ەكى جارىلىس جاسالعان، ونىڭ سالدارىنان ءۇش ادام قازا تاپتى،  20-سى جاراقات الدى. امەريكاندىق بيلىك بۇل جارىلىستاردى ۇيىمداستىرۋشىلار جانە ورىنداۋشىلار اعايىندى 26 جاستاعى تەمىرلان مەن 21 جاستاعى دجوحار سارنايەۆتار دەپ سانايدى. لاڭكەستىكتەن كەيىن بىرنەشە كۇن وتكەن سوڭ تامەرلان پوليسەيلەرمەن اتىس كەزىندە ءولتىرىلدى، ال دجوحار وقتان جاراقاتتانىپ، تۇتقىندالعان بولاتىن.

قامشى-اقپارات