بۇگىن قازاقستاندىق ب ا ق ەل ىشىندەگى جانارماي باعاسى كوتەرىلگەنى تۋرالى حابارلادى. جانارماي باعاسىنىڭ وسۋىنە بايلانىستى قازاقستاننىڭ ۇلتتىق ەكونوميكا مينيسترلىگى جانار-جاعارماي ونىمدەرىنىڭ بولشەك ساۋداداعى باعاسىنىڭ شەگىن بەلگىلەگەن، بۇل تۋرالى ازاتتىق راديوسى جازدى.

ۇلتتىق ەكونوميكا ءمينيسترى ەربولات دوسايەۆتىڭ مينيسترلىك سايتىندا 21 تامىز كۇنى جاريالانعان بۇيرىعى بويىنشا، ەندى ديزەل وتىنىنىڭ ءبىر ءليترىنىڭ باعاسى - 115 تەڭگەدەن، اي-80 ماركالى بەنزين - 89 تەڭگەدەن، اي-92/93 ماركالى بەنزين - 128 تەڭگەدەن اسپاۋى كەرەك. 

بۇعان دەيىن الماتىدا ديزەل وتىنىنىڭ ءليترى – 115 تەڭگە، اي-80 ماركالى بەنزين – 89 تەڭگە، سۇرانىسقا يە اي-92 ماركالى بەنزينى – 115 تەڭگە، ال اي-96 ماركالى بەنزين 145 تەڭگەدەن بولعان.

ءبىراق سوڭعى كەزدەرى جانارماي قۇيۋ بەكەتتەرىندە، اسىرەسە رەسەيلىك بەنزين ساتۋشىلاردا سۇرانىسقا يە اي-92 ماركالى بەنزيننىڭ تاپشىلىعى سەزىلە باستاعان. سوڭعى ون كۇندىكتە كوپتەگەن جانارماي قۇيۋ ستانسيالارى بۇل ساپاداعى بەنزيندى شەكتەپ ساتا باستاعان نەمەسە مۇلدە ساتپاعان بولاتىن.

قامشى-اقپارات