قازاقستاندا اي-92 بەنزينى 10-15 پايىزعا قىمباتتاۋى مۇمكىن. قازاقپاراتتىڭ جازۋىنشا بۇل تۋرالى بۇگىن «قازمۇنايگاز» قايتا وڭدەۋ جانە ماركەتينگ» اق باس ديرەكتورىنىڭ ورىنباسارى ەرلان قويباعاروۆ ءمالىم ەتكەن.
«ءبىزدىڭ ساراپشىلىق پىكىرىمىزگە سايكەس، قازىرگى تاڭدا بەنزين باعاسىنىڭ كوتەرىلۋى تيىستىگىن دالەلدەيتىن ەكى فاكتور بار. ءبىرىنشىسى، ەلىمىزدە جۇرگىزىلگەن ۇلتتىق تەڭگە باعامىنىڭ وزگەرۋى. ەكىنشىسى، ءدال وسى مۇناي ونىمىنە ماۋسىمدىق باعا ءوسىمىنىڭ ورىن الۋى. ياعني، ءبىزدىڭ ساراپشىلىق پىكىرىمىزشە، بەنزين باعاسى 10-15 پايىزعا قىمباتتاۋى ءتيىس. بۇل ءادىل باعا بولار ەدى»، - دەپ مالىمدەگەن ول. ءبىراق قويباعاروۆ بەنزين باعاسى ناقتى قاشان كوتەرىلەتىندىگىن ايتا الماعان.
قامشى-اقپارات
