ەر ادام قىزىمەن تابىس تابۋ ءۇشىن كوشەدە قالام ساتىپ ءجۇردى. الايدا ءبىر سۋرەت ولاردىڭ ءومىرىن تۇبەگەيلى وزگەرتتى.
سيريالىق قاشقىن ابدۋل حاليم ال-اتتار وتباسىن اسىراۋ ءۇشىن بەيرۋت قالاسىنىڭ كوشەلەرىندە قالام ساتۋعا ءماجبۇر بولادى. ادەتتە ول قالام ساتۋعا قىزىمەن شىعاتىن.
ونىڭ وتباسى – 4 جاسار قىزى ريم عانا. ايەلى سيريادان قاشىپ كەتكەن سوڭ، 4 ايدان كەيىن ەلىنە قايتىپ كەتەدى.
ال-اتتار سيريا قىزى ءۇشىن ءقاۋىپتى دەپ ەسەپتەپ، بەيرۋت قالاسىندا قىزىمەن قالۋعا ءماجبۇر بولادى.
ءبىراق ءبىر عانا سۋرەت ەر ادام مەن ونىڭ قىزىنىڭ ءومىرىنىڭ جاقسى جاققا قاراي وزگەرۋىنە ۇلكەن سەپتىگىن تيگىزەدى. نورۆەگيالىق ۆەب-ازىرلەۋشى گيسسۋر سيمانورسان كوشەدە قالام ساتىپ جۇرگەن وتباسىن سۋرەتكە ءتۇسىرىپ، ولار ءۇشىن حالىقتان كومەك سۇراپ، اقشا جيناۋعا كىرىسەدى.
تاڭقالارلىعى، ءبىر سۋرەتتىڭ ارقاسىندا 200 مىڭ دوللارداي اقشا جينالدى. ال-اتتار جينالعان اقشانى ليۆاندا ءوزىنىڭ جەكە بيزنەسىن اشۋ ءۇشىن جۇمسادى. قازىرگى ۋاقىتتا كاسىپكەر ءوزى سەكىلدى قاشىپ كەلگەن ازاماتتاردى جۇمىسپەن قامتىپ، تابىس تابۋعا كومەكتەسۋدە.
«مەنىڭ عانا ەمەس، قىزىمنىڭ دا ءومىرى وزگەردى. مەن كومەكتەسىپ جۇرگەن ادامدار دا ومىرلەرىن جاقسى ارناعا بۇرۋدا»، - دەپ پىكىرىن ءبىلدىردى ەر ادام.
قالام ساتۋشىدان جەكە كاسىپكەرگە اينالدى، كومەككە مۇقتاج جانداردان كومەگىن ايامادى. ءۇمىت پەن قايىرىمدى ءىستىڭ ادام ءومىرى ءۇشىن ماڭىزى قانشالىقتى زور ەكەنى وسىعان دالەل.
