قازاقستاندا گەندىك-ينجەنەرلىك قاۋىپسىزدىك سۇراقتارىن قاداعالايتىن ەففەكتيۆتى جۇيە جوق دەپ جازادى ratel.kz.

15 اقپاندا ولجاس سۇلەيمەنوۆ «بايتاق-بولاشاق» ەكولوگيالىق اليانسى ۇيىمىنىڭ پرەزيدەنتى رەتىندە گمو (گەندىك موديفيكاسيالانعان ورگانيزمدەر) ازىق –تۇلىك سۇراقتارىنا بايلانىستى كونفەرەنسياعا قاتىسقان. اليانس ەكولوگيانىڭ نەگىزگى پروبلەمالارىن كوتەرۋدى ماقسات ەتىپ وتىر. كونفەرەنسيا قاتىسۋشىلارى قازاقستاننىڭ وزىنەن شىعارىلاتىن تاۋارلاردى ەمەس، قازاقستانعا يمپورتتالاتىن تاۋارلارعا قاتىستى تالقىلاۋ جۇرگىزدى.

-رەسەي پارلامەنتى گمو-ونىمدەرىنە قارسى زاڭنامالار قابىلداپ ۇلگەردى. ونىڭ سەبەبى گمو ونىمدەرىنىڭ پايدا بولۋى امەريكادان باستاۋ العاندىقتان دەپ ويلاۋشىلار بار. سەبەبى دۋمانىڭ باعىتى انتيامەريكاندىق بولدى. بۇل جەردە ءبىز ەشبىر ساياساتتى ارالاستىرماۋىمىز كەرەك، سەبەبى  وبەكتيۆتى جاۋاپقا مۇقتاجبىز. شىندىعىندا، ازىق-تۇلىك، ساۋدا-ساتتىق جولدارىن قاۋىپسىزدەندىرۋ جولدارىن قاراستىرۋ – العا قويعان باستى ماقسات بولۋى شارت-دەدى و.سۇلەيمەنوۆ.

 «Biosecurity» جۋرنالىنىڭ رەداكتورى ەۆگەنيي كليموۆ وسى ماسەلە توڭىرەگىندە:

-قازاقستاندا گەندىك-ينجەنەرلىك قاۋىپسىزدىك سۇراقتارىن قاداعالايتىن جۇيە جوق. گمو-نى تاراتۋعا بايلانىستى ماسەلەلەردى رەتتەيتىن، ونىمەن اينالىساتىن ۇلتتىق كوورديناسيالىق ورتالىق جوق.

ونىڭ ايتۋىنشا، ءبىزدىڭ ەلىمىزدە گمو ۋلىلىعى قىسقا مەرزىمدى زەرتتەۋلەرگە نەگىزدەلىپ تەكسەرىلەدى ەكەن. زاڭنامادا گمو-نىڭ تاراتىلۋىنا قاتىستى  ناقتى پوزيسيا جوق، تيىسىنشە وعان باقىلاۋ دا جوق.

-ەگەر ءبىز گمو-نىڭ زيان ەمەستىگى  تۋرالى عىلىمي تۇرعىدان سەنىمسىز بولساق، ونىڭ ەل اۋماعىندا تارالۋىنا كەدەرگى جاساۋىمىز كەرەك.

ەكوفورۋم (ەكولوگيالىق  عىلىمي-وندىرىستىك بىرلەستىك) زاڭ جۇزىندە گمو-نى يمپورتتاۋدى جانە تاراتۋدى توقتاتۋدى، سونىمەن بىرگە باقىلاۋدى كۇشەيتۋدى  ۇسىنادى جانە قاراستىرادى.

-بىزگە زاڭنامانى وزگەرتۋ كەرەك. بيوپرەپاراتتاردى شەتتەن اكەلۋگە رۇقسات الۋ كەرەك. قازىرگى كەزدە فەرمەرلەر پەستيسيدتەردى قالاي قولدانۋ كەرەك ەكەنىن بىلمەيدى. جەر مەن اۋانى قاتتى لاستاپ جاتىر. بازارلارىمىز ۋلى حيميكاتتارمەن تولىپ كەتتى. مۇنى توقتاتۋ كەرەك. ۋلى حيميكاتتاردى ۋتيليزاسيالاۋ پروبلەماسى تاعى بار. ۋلى حيميكاتتار ەتتە، ناندا، كوكونىستەر مەن جەمىستەردە قالىپتى ساقتاماي وتىر. ون ەسە كوپ قولدانىلادى- دەدى، عالىم اباي ساگيتوۆ.

قورىتىندىسىندا باس پروكۋراتۋرا وكىلى بىلاي دەدى:

-ءبىز گمو-نىڭ قانداي دا ءبىر ءتۇرىنىڭ زياندى ەكەنىن دالەلدەسەك قانا يمپورتقا تىيىم سالا الامىز. ءبىز الەمدىك قوعامداستىققا  ناقتى فاكتىنى، دالەلدى ۇسىنۋىمىز كەرەك.

اۋدارعان مۇسا نازەركە