كەشە باس قالامىزدىڭ جىل ون ەكى اي ايرىقشا اسەمدىگى مەن تازالىعىنا جاۋاپتى قىزمەتكەرلەرگە ەرەكشە سىي-قۇرمەت كورسەتىلدى. بۇل تۋرالى «قامشى» پورتالى «نۇر استانا» ورتالىق  مەشىتىنىڭ باسپا ءسوز قىزمەتىنە سىلتەمە جاساپ حابارلايدى.

«نۇر استانا» ورتالىق مەشىتى استانا تازالىقشىلارىنا ارناۋلى شارا ۇيىمداستىردى. بۇل شارا ەلوردا اكىمدىگىنىڭ «استانا – مەيىرىمدى قالا» اكسياسى اياسىندا كورىكتى قالامىزدىڭ اجارىن ارتتىرىپ، شىرايىن كىرگىزگەن، ەن بويىنا قىلاۋ جۇقتىرماي جان ايانباي ەڭبەك ەتۋشىلەرگە قولداۋ كورسەتىپ، كوڭىلدەرىنە دەمەۋ ءبىلدىرۋ ماقساتىندا قولعا الىنعان. اسىرەسە، التى ايلاپ قىسقى ىزعار مەن قالىڭ قار جاۋعان ارالىقتا قالا تازالىقشىلارىنىڭ قىزمەتى قىزادى.

تازالىقشىلار ايازدى كۇنگە قاراماستان قالا قوناقتارى مەن تۇرعىندارىنىڭ، قالا بەردى كولىكتەردىڭ قوزعالىسىنا قولايلىلىق تۋدىرۋ ءۇشىن الا تاڭنان جۇمىسقا كىرىسەدى. بەل بۋىپ، كۇرەك ارقالاپ، قالتقىسىز ەڭبەك ەتەدى.

مىنە، وسىنداي ەڭبەكقور توپقا «نۇر استانا» مەشىتى قىزمەتكەرلەرى  بۇگىن تاڭعى ىستىق اس پەن قويۋ كۇرەڭ شايمەن سىي جاسادى. يگىلىكتى شارادا د.قونايەۆ، ماڭگىلىك ەل جانە قابانباي باتىر كوشەلەرى بويىندا جۇمىسقا جۇمىلدىرىلعان 90 ادام قامتىلدى. ءوز كەزەگىندە ءدىن قىزمەتكەرلەرىنىڭ ىزەت-قۇرمەتىنە تازالىقشى توپ رياسىز العىس-تىلەكتەرىن ارنادى.